Հատված
Բոլոր արտադրական կազմակերպությունները և ծառայության ոլորտի կազմակերպությունների մեծ մասը ունեն ռեսուրսների որոշակի պաշարներ: Նույնիսկ այնպիսի հզոր կազմակերպություն, ինչպիսին է ճապոնական «Տոյոտան», որը համարվում է արդեն ամբողջ աշխարհում ճանաչում գտած «ճիշտ ժամանակին» կամ «կանբան» կոչվող համակարգի հեղինակը, ընդունում է, որ արտադրությունն առանց պահեստային պաշարների, երազանք է և հնարավոր է միայն այն դեպքում, երբ ամբողջ կազմակերպությունում իրականացվել է անտեսանելի հարահոսերի (կոնվեյեր) գաղափարը, որից ինքը՝ «Տոյոտան», դեռ շատ հեռու է: