Հատված
Համաշխարհային տնտեսական ճգնաժամը լրջորեն վտանգեց ՀՀ-ում ճգնաժամին նախորդող տարիներին ձեռք բերված տնտեսական աճը և աղքատության կրճատումը: Այնուամենայնիվ, վերջին տարիների տնտեսական աճը որոշ դրական ազդեցություն է ունեցել երկրի աղքատության մակարդակի վրա: Էլաստիկության գործակիցը կիրառվել է՝ ցույց տալու համար մակրո/միկրո կապը մակրոտնտեսական փոփոխությունների և աղքատության մակարդակի միտումների միջև: Սկսած 2015թ.-ից ՀՆԱ ցուցանիշը ՀՀ ԱՎԾ կողմից հաշվարկվում է համաձայն «Ազգային հաշիվների համակարգ 2008» (ԱՀՀ 2008) միջազգային ստանդարտի՝ ըստ որի վերանայվել են նաև 2013-2014թթ. ՀՆԱ ցուցանիշները: 2012-2015թթ ՀՆԱ-ի և տնտեսական աճի վերաբերյալ տվյալները հաշվարկված են ըստ ԱՀՀ 2008-ի: 2012-2015թթ.-ին արձանագրված տնտեսական աճը նախադրյալներ է ստեղծել կենսապայմանների բարելավման և աղքատության մակարդակի կրճատման համար: 2013թ.-ի համեմատ ՀՆԱ ցուցանիշը աճել է 10.23%-ով, իսկ աղքատության մակարդակը նվազել է 8.03%-ով, ինչի արդյունքում 2013-2015թթ.-ին գրանցվել է ՀՆԱ-ի նկատմամբ աղքատության էլաստիկության բացասական գնահատական:
Գրականության ցանկ
1. ՀՀ ԱՎԾ ՏՏԿԱՀ 2008- 2015թթ
2. www.armstat.am
3. Հայաստանի սոցիալական պատկերը և աղքատությունը, Վիճակագրական-վերլուծական տարեկան զեկույց, 2008-2015