Հատված
Կառավարման մեթոդաբանությունը և արդյունավետությունը մենեջմենթի տեսության հիմնարար կատեգորիաներից են: Կարելի է պնդել, որ կառավարման գործընթացը արդյունավետ է, այսինքն՝ ստացված արդյունքները գերազանցում են կատարված ծախսերը, եթե կառավարման մեթոդաբանությունը գիտականորեն հիմնավորված է: Այս անվերապահ ճշմարտությունը, սակայն, քննական վերլուծության կարիք ունի, քանի որ հարկ է ճշգրտել արդյունքներ–ծախսեր, կառավարման մեթոդաբանություն և դրա բաղադրիչներ կազմող սկզբունքներ ու մեթոդներ հասկացությունները և վերջիններիս նշանակությունը արդյունավետ կառավարման համար: Հայաստանի Հանրապետությունում շուկայական հարաբերությունների ձևավորման ու արմատավորման գործընթացը հրատապ է դարձրել ինչպես տնտեսական, այնպես էլ քաղաքական ու սոցիալական բազմաթիվ խնդիրների լուծումը, որոնցում գերակա դեր ունի արդյունաբերությունը: Հիմնականում արդյունաբերական քաղաքականության և դրա հիմքում դրված հիմնավոր սկզբունքների կիրառման ճանապարհով յուրաքանչյուր երկիր կարող է ապահովել զարգացում և իրական տնտեսական աճ: Այս առումով էլ արդյունաբերական քաղաքականությունը ներկայումս դառնում է Հայաստանի Հանրապետության տնտեսական ներուժի նպատակային օգտագործման և դրա հետագա զարգացման հիմնական նախադրյալներից մեկը: Մինչև ԽՍՀՄ փլուզումը Հայաստանը համարվում էր Խորհրդային Միության ամենազարգացած արդյունաբերություն ունեցող հանրապետություններից մեկը: Մեծ հողատարածքներ և բնական պաշարներ չունեցող երկրի տնտեսության հիմքը ԽՍՀՄ հումքային բազայի հիման վրա աշխատող զարգացած արդյունաբերությունն էր:
Գրականության ցանկ
1. Բաբայան Ա. Հաշվեկշռված ցուցանիշների համակարգի նշանակությունը ձեռնարկության առաջընթացի ապահովման գործում, Հայաստան. ֆինանսներ և էկոնոմիկա, մայիս 2012.- N5 (143), էջ 21-23:
2. Հայաստանի տնտեսական զարգացումներ, 2005թ. տարեկան զեկույց, Ե., Տնտեսական քաղաքականության խորհրդատվության հայ-եվրոպական կենտրոն Aeplac, 2006։
3. Ղուշչյան Հ. Ձեռներեցի սեղանի գիրք.- Երևան, 1997.- էջ 416:
4. Մելքումյան Մ. Ս. Միկրոէկոնոմիկա.- Երևան, Տնտեսագետ, 2011.- էջ 234-238
5. Simon H.A., Administrative Behavior: a study of decision-making processes in administrative organizations., N.Y.: Free Press, 1997.
6. Bain J. Industrial organization: Barriers to new competition.- New York, 1959.
7. Brown A.D., Humphreys M., Organizational Identity and Place: A Discursive Exploration of Hegemony and Resistance // Journal of Management Studies, v. 43, number 2, March 2006.
8. Carlton D., Perloff J. Modern industrial organization.- New York, 1994.
9. Clarkson K.W.,Miller R.L. Industrial organization: Theory, evidence and public policy.- New York, 1982
10. Henry Mintzberg, The Nature of Managerial Work(1973). New York: Harper & Row. P. 298 Dick McCann. How to influence others at work. – NY.1990. 2nd Edition, 1993 P.140