ԿԲ վերահսկողության դերը բանկերի ռիսկերի կառավարման բնագավառում

Հատված

Ռիսկը ապագայում անցանկալի երեւույթի ի հայտ գալու կամ այնպիսի պայմանների առաջացման հավանականությունն է, որոնք հետագայում կարող են հանգեցնել կորուստների: Ռիսկեր կարող են առաջանալ տնտեսական գործունեության բոլոր ոլորտներում: Ռիսկերի ճիշտ կանխատեսումը, գնահատումն ու կառավարումը ձեռնարկատիրական ցանկացած գործունեության հաջողության գրավականն է: Ի տարբերություն գործունեության այլ ձեւերի՝ բանկերն առնչվում են տնտեսության մեջ գոյություն ունեցող գրեթե բոլոր ռիսկերին: Չէ որ բանկը, որպես ֆինանսական շուկայի միջնորդ օղակ, կոչված է ստանձնել, կենտրոնացնել բազմաթիվ ու բազմաբնույթ ռիսկեր: Բանկերի համար ռիսկը այն հավանականությունն է, երբ ակնկալվող եւ/կամ չնախատեսված դեպքերը կարող են բացասական ազդեցություն ունենալ բանկի կապիտալի եւ/կամ շահույթի վրա: