Հատված
Կոմերցիոն կազմակերպությունները զբաղվում են պատրաստի արտադրանքի արտադրությամբ և իրացմամբ կամ ծառայությունների մատուցմամբ: Նրանց գործունեությունը համարվում է տնտեսաֆինանսական գործունեություն: Այդ գործունեության ֆինանսական հետևանքը կազմում է շահույթը կամ վնասը: Շահույթն իրենից ներկայացնում է ապրանքի վաճառքից ստացված դրամական միջոցների մուտքի և կատարված ընթացիկ ծախսերի տարբերությունը: Սակայն տնտեսավարող սուբյեկտը տնտեսաֆինանսական գործունեությունը կարող է ավարտել վնասով: Սակայն շուկայական տնտեսության պայմաններում վնասով ապրանքարտադրողներ լինել չեն կարող, այլապես կենթարկվեն ֆինանսական սնանկացման: Մեր երկրում տարեկան 3-4 հազար տնտեսավարող սուբյեկտ` իրավաբանական անձինք և գրեթե նույնքան էլ անհատ ձեռնարկատերեր, ենթարկվում են ֆինանսական սնանկացման և լուծարվում տնտեսական դատարանների որոշումով: Այն տնտեսավարող սուբյեկտները, որոնք կազմում են առողջացման լրացուցիչ բիզնես-ծրագիր և կենսագործում են կյանքում, նրանք կարճ ժամանակաշրջանում բարելավում են իրենց ֆինանսական դրությունը և ձեռնարկությունը փրկում սնանկացումից: Ցավոք, մեր երկրում նույնիսկ խոշոր ձեռնարկությունները, որպես հարկատուներ, անհիմն ուռճացնում են ընթացիկ ծախսերը և ֆինանսական հաշվետվություն ներկայացնում հարկային տեսչություններին, որ, իբր, աշխատել են վնասով:
Գրականության ցանկ
- Լ. Բադանյան, Կ. Աբգարյան, Ս. Սուքիասյան, Ա. Մաթևոսյան — Արտադրական կազմակերպության ֆինանսներ, ուս. ձեռնարկ, Երևան, 2008,
- Վ. Վարդանյան – Ֆինանսների ընդհանուր տեսություն, ֆինանսներ, ձեռնարկությունների ֆինանսներ, ձեռնարկությունների տնտեսագիտություն, ուս. ձեռնարկ, Երևան, 2005,
- Ֆինանսներ, դրամաշրջանառություն և վարկ, դասագիրք Լ. Բադանյանի խմբագրությամբ, Երևան, 2007,
- Ֆինանսներ և վարկ, ուս. ձեռնարկ Լ. Բադանյանի խմբագրությամբ, Երևան, 2003