Հատված
Հասարակության կյանքում ապրանքադրամական հարաբերությունների առաջացումը և պետության գոյությունը այն նախապայմաններն են, որոնց հիմքի վրա ձևավորվել են ֆինանսական հարաբերություններն ու ֆինանսները. դրանք դրսևորվել ու դրսևորվում են շուկայական կառույցներին առնչվող ամենատարբեր ոլորտներում և օղակներում: Ֆինանսները հասարակությունում առկա ոչ բոլոր փողային հարաբերություններն են, այլ դրանց մի մասը՝ նրանք, որոնք կապված են պետության խնդիրների և գործառույթների իրականացման և ընդլայված վերարտադրության պայմանների ապահովման նպատակով դրամական միջոցների կենտրոնացված և ապակենտրոնացված հիմնադրամների ձևավորման, բաշխման և օգտագործման հետ: Ժամանակակից շուկայական տնտեսությունն էլ ավելի է ընդլայնում ֆինանսների գործողության շրջանակաները, մեծացնում նրա դերը պետական ու տնտեսավարող սուբյեկտների կողմից իրականացվող սոցիալ-տնտեսական ծրագրերի եկամտային աղբյուրներով ապահովման գործում: Դրանից հետևում է, որ տնտեսության զարգացման վերաբերյալ ցանկացած մակարդակով որոշում կայացնելու և դրա կատարումն ապահովելու երաշխիքներ ունենալու համար պետական, տարածքային կառավարման մարմինների ու տնտեսավարող սուբյեկտների ամենակարևոր խնդիրներից մեկը ֆինանսավորման աղբյուրների բացահայտումը, դրանց ձևավորումն ու հավաքագրման արդյունավետ մեխանիզմների կիրառումն է: Ֆինանսական հարաբերությունների կազմակերպումն ու կարգավորումը հատկապես կարևորվում են անցումային փուլում գտնվող երկրներում, մասնավորապես Հայաստանի Հանրապետությունում:
Գրականության ցանկ
1. Լ. Բադանյան և ուրիշներ, «Ֆինանսներ, դրամաշրջանառություն և վարկ», 2010թ.
2. Վ. Վարդանյան, «Ֆինանսների ընդհանուր տեսություն, ֆինանսներ, ձեռնարկությունների ֆինանսներ, ձեռնարկությունների տնտեսագիտություն», 2005թ.
3. Ս. Մուրադյան, «Ֆինանսական իրավունք», 2003թ.
4. https://hy.wikipedia.org/wiki/ֆինանսներ
5. Media-economics.blogspot.am