Հատված
Շուկայական տնտեսության զարգացման հետ շատ երկրներ, այդ թվում և Հայաստանը խորապես մտահոգված է անօրինական արտադրության, թմրանյութերի պահանջարկի մասշտաբներով և զարգացման միտումներով, որոնք լուրջ վտանգ են ներկայացնում մարդկանց առողջությանն ու բարեկեցությանը և բացասական հետևանքներ ունենում հասարակության տնտեսական, մշակութային և քաղաքական հիմքերի վրա: Այս առումով մեծ կարևորություն է ներկայացնում մաքսային քաղաքականության կիրառումը, մասնավորապես մաքսային հսկողության իրականացումը: Ժամանակակից Հայաստանի սոցիալ-տնտեսական կյանքում տեղի ունեցած մեծ փոփոխությունները փոփոխություններ մտցրեցին կառավարման գործունեության և ոլորտի շատ բնագավառներում: Դրանցից մեկն է մեր պետության արտաքին տնտեսական գործունեությունը, որի ուղեկցողն է հանդիսանում մաքսային գործը և մաքսային քաղաքականությունը: Մաքսային քաղաքականության նպատակներից մեկն էլ հանդիսանում է մաքսային հսկողության գործիքների առավել արդյունավետ կիրառման ապահովումը: Ուստի սա նշանակում է, որ մաքսային հսկողության թեմայի ուսումնասիրությունն ավելին, քան արդիական է: Մեր երկրի Մաքսային ծառայությունը, անդամակցելով համաշխարհային տարբեր կազմակերպություններին, ստանձնել է մի շարք պարտավորություններ: Մի քանի տարվա հետևողական աշխատանքի շնորհիվ պարտավորությունները քայլ առ քայլ կյանքի են կոչվում` շոշափելի դարձնելով երբեմնի ենթադրյալ դրական գործոնները: