Հատված
Ապրանքային (սպասարկման) նշանը տարբերակիչ նշան է, որը տարբերակում է որևէ անձի (ֆիզիկական կամ իրավաբանական) արտադրած ապրանքները (մատուցած ծառայությունները) այլ անձանց ապրանքներից և ծառայություններից։ Ապրանքային նշանը հանդիսանում է իրավաբանական անձանց կամ անհատ ձեռնարկատերերի կողմից ապրանքների, աշխատանքի կատարման կամ ծառայությունների անհատականացման միջոց, որն ապահովում է որոշակի ընկերության միատարր ապրանքատեսակների և ծառայությունների հուսալի պաշտպանություն: Ապրանքային նշանի իրավատերը իրավունք ունի օգտագործել այն, տնօրինել և արգելել դրա օգտագործումը այլ անձանց կողմից: Այսօր ապրանքանիշերն օգտագործվում են ամենուրեք: Առևտրային գործունեության մեջ առևտրային նշանների աճող կարևորությունը պայմանավորված է գործարարությամբ զբաղվող ընկերությունների միջև մրցակցության աճով: Ապրանքային նշանները օգտագործվում են դյուրին դարձնելու սպառողների համար ապրանքների և ծառայությունների յուրացումը: Ապրանքային նշանը կարելի է դիտարկել որպես հաճախորդների ներգրավման համար արտադրողների օգտագործած հաղորդակցման գործիք: Ինչպես անհատի անունը նույնականացնում և տարբերվում է այլ անձանցից, այնպես էլ ապրանքային նշանը կատարում է ապրանքի աղբյուրի հայտնաբերման հիմնական գործառույթը և այդ ապրանքը տարբերակում է այլ ապրանքներից:
Գրականության ցանկ
1. «Ապրանքային նշանների գրանցման ուղեցույց», Երևան 2016,
2. Мазаев Д. «Гражданско-правовая защита прав на товарные знаки», Москва, 2013