Բարդ համադասական նախադասություն, տեսակները, կապակցման միջոցներն ու եղանակները

Հատված

Նախադասություն, շարահյուսական միավոր է, որը ձևավորում է ամփոփ միտք և ունի հնչերանգային ավարտվածություն: Նախադասության սկիզբը կամ ավարտը կարող է համընկնել բացարձակ դադարներին, երբ նրանով սկսվում կամ ավարտվում է խոսքը, կարող է և համընկնել շարահյուսական դադարին, որը համեմատաբար ավելի տևական է, քան հնչաբառի (միջբառային) կամ հնչաշարույթի դադարն է: Կառուցվածքային բարձր մակարդակում գործառող ասույթ է: Ներառում է ստորին մակարդակների բոլոր կառույցներն ու բաղադրիչ տարրերը: Ամենաբնորոշ հատկանիշը ստորոգական գործառությունն է. հատկանիշի վերագրումը, հատկացումը առարկային, ստորոգումը: Կառուցվածքային տեսակետից նախադասությունները միատարր չէն. մի դեպքում իրենց կազմում ունենում են միայն գլխավոր անդամներ, մյուս դեպքում լինում են միաբևեռ, մի այլ դեպքում մեկից ավելի ստորոգումներ են ունենում, ավելի ստորոգումների դեպքում էլ լինում են բարդ համադասական և բարդ ստորադասական, ունենում են նաև տարբեր հնչերանգներ և այլն: