Հատված
Ուսումնական հաստատությունում կրթական գործընթացը կազմակերպվում է ըստ հանրակրթության պետական չափորոշչի և ուսումնական հաստատության տարեկան ուսումնական պլանի: Ուսումնական հաստատությունում իրականացվող յուրաքանչյուր հանրակրթական ծրագրի համար կազմվում է առանձին ուսումնական պլան հանրակրթության պետական չափորոշչի պահանջներին համապատասխան: Հանրակրթական պետական ծրագիր իրականացնող ուսումնական հաստատությունն իր ուսումնական պլանները կազմում է օրինակելի ուսումնական պլանների հիման վրա: Օրինակելի ուսումնական պլանի դպրոցական բաղադրիչով նախատեսված ժամաքանակը ուսումնական հաստատությունը բաշխում է պետական բաղադրիչով սահմանված կամ կրթության պետական կառավարման լիազորված մարմնի երաշխավորած առարկաներին: Ուսումնական հաստատություններում ուսումնական գործընթացն իրականացվում է խմբային կամ անհատական ուսուցման եղանակով: Ուսումնական խմբերը ` դասարանները, կազմավորվում են ըստ սովորողների տարիքի և նրանց կողմից ուսումնական ծրագրի յուրացման արդյունքի: Կրթության պետական կառավարման լիազորված մարմնի սահմանած կարգի համաձայն՝ կարող են կազմավորվել բազմահամակազմ դասարաններ: Պետական ուսումնական հաստատության դասարանի կազմավորման կարգը սահմանում է Հայաստանի Հանրապետության կառավարությունը։
Գրականության ցանկ
1. Այվազյան Հ., Դասի կառուցվածքային տարրերի կիրառումը հանրակրթական դպրոցի օրվա պլանների կազմման գործընթացում, Երևան, 2014:
2. Հակոբյան Ի., Ներդպրոցական վերահսկողության գործառույթները դպրոցի կանոնակարգված գործունեության կառավարման համակարգում // «Մխիթար Գոշ » գիտամեթոդական հանդես, 2009, N 3(23):
3. «Հանրակրթության մասին» ՀՀ օրենք, Երևան, 2009:
4. Маленкова Л. М., Воспитания в современной школе, М., 2003, с. 402.
5. Поташник М. М., Профессиональные обьединения педагогов: Методические рекомендации для руководителей образовательных учреждений и учителей, М., 1997.