Հատված
Նախադպրոցական մանկավարժությունն ընդհանուր մանկավարժությունից առանձնացել է 19-րդ դարի 2-րդ կեսին՝ կապված մի կողմից մանկան հոգեբանության զարգացման և գիտության ինքնուրույն բնագավառ դառնալու, մյուս կողմից՝ նախադպրոցական հիմնարկների հանդես գալու և տարածվելու հետ: Երեխաների հասարակական դաստիարակության գաղափարը առաջինը հիմնավորել և պրոլետարական երեխաների համար առաջին նախադպրոցական հիմնարկը ստեղծել է անգլիացի ուտոպիստ-սոցիալիստ Ռ․ Օուենը: 19-րդ դարի 60-ական թվականներին Ռուսաստանում նախադպրոցական մանկավարժության զարգացման վրա հսկայական ազդեցություն ունեցավ Կ․ Դ․ Ուշինսկին: Մարքսիստական նախադպրոցական մանկավարժության տեսական հիմքերի մշակման գործում մեծ դեր է խաղացել Ն․ Կ․ Կրուպսկայան: Որոշ կարևոր պրոբլեմներ լուսաբանել է Ա․ Մ․ Մակարենկոն: Նախադպրոցականների դաստիարակության խնդիրներն ու միջոցները որոշելու համար խոշոր նշանակություն ունեցան Ն․ Կ․ Կրուպսկայայի և Ա․ Վ․ Լունաչարսկու ղեկավարությամբ տեղի ունեցած համառուսասաանյան առաջին համագումարները /առաջինը՝ 1919 թվականին/ և կոնֆերանսները: Խորհրդային նախադպրոցական մանկավարժության հիմնական խնդիրն է մշակել նախադպրոցականների կոմունիստական դաստիարակության բովանդակությունը, ձևերն ու մեթոդները: Ստեղծվել են սենսորային դաստիարակության, մանկապարտեզների դիդակտիկայի նոր համակարգեր: Ուշադրության կենտրոնում են երեխայի անձի ձևավորման, աշխատանքային, գեղագիտական, բարոյակամային, ֆիզիկական դաստիարակության կատարելագործման հարցերը:
Գրականության ցանկ
Օգտագործված գրականության ցանկ
- Էնգելս Ֆ., Բնության դիալեկտիկա, Երևան, 1969:
- Թոփուզյան Ա., Ուսուցչին ներկայացվող ժամանակակից պահանջները, «Մանկավարժական ժամանակակից հիմնախնդիրներ», Երևան, 2015:
- Խուդոյան Ս., Անձի զարգացման ճգնաժամային տարիքը, Երևան, 2004:
- Կարապետյան Վ., Տարիքային հոգեբանության արդի հիմնախնդիրները, Երևան, 2011:
- Համացանցային նյութեր, Շալվա Ամոնաշվիլու բաց դասը /http//dpir.mskn.am/)
- Մանուկյան Ա. Մ., Մանուկյան Մ. Մ., Մանկավարժական տեխնիկա և տեխնոլոգիա, Երևան, 2000:
- Մինասյան Բ., Մանկավարժութեան հիմունքները, Թաւրիզ, 1931:
- Նախադպրոցական կրթական համալիր ծրագիր, Ե., 1999: