Հատված
Ապրանքները շուկա են մտնում որոշակի գներով, իսկ գնորդը կարող է դրանք ձեռք բերել ըստ իր հնարավորությունների: Տվյալ դեպքում մարդն առնչվում է իրի բացառիկության տնտեսական գործոնի հետ: Նա ընտրում է իրեն անհրաժեշտ ապրանքների համախումբը` հրաժարվելով տվյալ պահին պակաս անհրաժեշտ ապրանքներից: Եթե գների մակարդակը բարձրանում է, ապա իջնում է ապրանքի ձեռքբերման նկատմամբ սպառողների ձգտումը: Իսկ եթե իջնում է գների մակարդակը, ապա ապրանքների ձեռքբերման նկատմամբ ձգտումը բարձրանում է, դեռ ավելին` ցածր գների պայմաններում տվյալ սուբյեկտը ապրանքներ է ձեռք բերում ոչ միայն ընթացիկ սպառման նպատակով, այլ նաև ապրանքների որոշ մասը պահեստավորելու և հեռանկարում սպառելու նպատակով: Գների իջեցումը առաջացնում է երկու տարբեր հետևանքներ: Դրանք հանդես են գալիս որպես եկամտի էֆեկտ և փոխարինման էֆեկտ: Եկամտի էֆեկտի դեպքում ապրանքի գնի իջեցումը մեծացնում է գնորդի իրական եկամուտը, որի շնորհիվ նա կարող է ավելացնել ձեռք բերվող ապրանքների քանակը, այդ թվում նաև գինն իջեցված տվյալ ապրանքները:
Գրականության ցանկ
- Գրիգորյան Ս., Մարքեթինգի հիմունքներ, Երևան 2013:
- Մարտիրոսյան Ա.Ռ., Հոգեբանական գործոնի ազդեցությունը տնտեսական գործընթացների վրա (տեսության եվ պրակտիկայի հարցեր), Երևան 2018, Ատենախոսություն, Սեղմագիր:
- Берман Б., Эванс Дж., Маркетинг, изд. Вильямс, Москва, 2003:
- Баркан Д.И. Ходяченко В.Б. Поймем наш бизнес: как сегментировать рынки и изучать потребителя.-Л..1991.