Հատված
Գրող և հրապարակախոս Վ. Անանյանը գրական ասպարեզ է իջել 1920-ական թվականների վերջին` բերելով բնության զարմանալի զգացողություն, գեղարվեստական ինքնատիպ պատկերներ, ճանաչողական նշանակություն ունեցող, սքանչելի նկարագրություններով հարուստ կենդանագրության յուրօրինակ էջեր: Լինելով իր նախորդների գրականության լավագույն ավանդների շարունակողը` Անանյանն իր ներդրումն է ունեցել գրականության զարգացման մեջ` սերունդներին կտակելով բազմաժանր ու թեմատիկ առումով բազմաբնույթ ժառանգություն: «Վախթանգ Անանյանի լավագույն ստեղծագործությունները, որոնք թարգմանված են լավագույն լեզուներով, ընթերցողին տալիս են ճանաչողական հարուստ նյութ Հայաստանի գեղատեսիլ բնության ու նրա մարդկանց մասին»: Գրողի ստեղծագործական ժառանգության մեջ առանձնահատուկ տեղ է գրավում հատկապես նրա փոքր արձակը, որտեղ համակողմանիորեն դրսևորվում է Անանյանի բնապաշտական, հասարակական-քաղաքական գործընթացները արժևորելու, երևույթները խորությամբ ընկալելու տաղանդը: Ընդ որում` ժանրային առումով Անանյանի փոքր արձակի գործերը բազմազան են` որսորդական պատմվածք, ակնարկ, զրույց, նովել, բնագիտական և որսորդական պատումներ, խոհեր, հուշեր և զանազան այլ պատմություներ: Ժանրային այս բազմատեսակության մեջ էլ արտահայտվում են գրողի բնապաշտական հետաքրքրություններն ու կենսափիլիսոփայությունը:
Գրականության ցանկ
- Աղաբաբյան Ս., Արդի հայ գրականության պատմություն, հ. 1, Երևան, 1993:
- Աղաբաբյան Ս., Հայ սովետական գրականության պատմություն, Երևան, 1986:
- Անանյան Վ., Երկեր, Երևան, 2005:
- Անանյան Վ., Երկեր չորս հատորով, Երևան, 1984, հ. 1:
- Անանյան Վ., Երկեր չորս հատորով, Երևան, 1984, հ. 2:
- Անանյան Վ., Երկեր չորս հատորով, Երևան, 1984, հ. 3:
- Գյուլնազարյան Խ., Վախթանգ Անանյան, Երևան, 1963:
- Գյուլնազարյան Խ., Վախթանգ Անանյան: Երկեր, հ. 1, Երևան, 1968:
- Կարապետյան Լ., Վախթանգ Անանյանի կանաչ աշխարհը, Երևան, 1975:
- Կարապետյան Լ., Դասը վարում է գրողը, Երևան, 2002: