Պետական սեկտորի ազդեցությունը գործարար միջավայրի վրա

Հատված

Հայաստանում չափահաս անձանաց ներգրավվածությունը բիզնեսում կազմում է 28%, ինչը 6-րդ ամենաբարձր ցուցանիշն է 2019թ.-ի Ձեռնարկատիրության համաշխարհային մոնիտորինգի (GEM) 50 երկրների մեջ: 2019թ.-ին Հայաստանը գրանցել է վաղ շրջանում ձեռնարկատիրական գործունեության (TEA) բավականին բարձր ցուցանիշ: Չափահաս անձանց՝ վաղ շրջանում ձեռնարկատիրական գործունեության մեջ ներգարվվածության 21% ցուցանիշով Հայաստանը 7-րդն է 2019թ.-ի GEM 50 երկրների շարքում՝ դառնալով առաջատարը Արևելյան Եվրոպայի տարածաշրջանում: Հայաստանում նորաստեղծ ձեռներեցների (Nascent entrepreneurs) մասնաբաժինը կազմում է 14%, իսկ փոքր բիզնեսի (Baby businesses) մասնաբաշինը՝ 7.4%: Այսպիսով, Հայաստանը նորաստեղծ ձեռներեցների ցուցանիշով գտնվում է 5-րդ, իսկ փոքր բիզնեսի ցուցանիշով՝ 10-րդ հորիզոնականում: Այս ցուցանիշները վկայում են, որ 2019թ.-ի սկզբում Հայաստանում գործարարությունն ակտիվացել է: Չնայած նրան, որ Հայաստանը գտնվել է TEA երկրների առաջին տասնյակում և՛ տղամարդկանց, և՛ կանանց ձեռնարկատիրական գործունեությամբ, տղամարդկանց համեմատ կանանց ներգարավվածությունը գործարարության մեջ դեռևս շարունակում է ցածր մնալ համաշխարհային միջին մակարդակից: Մեկ այլ հետաքրքիր ցուցանիշ է այն, որ գյուղական համայնքներում բնակվողները ավելի ակտիվ են վաղ շրջանում ձեռնարկատիրական գործունեությամբ զբաղվելու տեսանկյունից, քան երևանաբնակները: Սա կարելի է բացատրել գյուղաբնակների համար գյուղատնտեսության մեջ ներգրավվածությամբ և քիչ այլընտրանքային հնարավորություններ ունենալով: Չնայած Հայաստանը TEA ինդեքսով գտնվում է 50 երկրների առաջատարների մեջ, արդյունավետության վրա հիմնաված գործունեության ցուցիչով (EBO) Հայաստանը զբաղեցնում է 23-րդ հորիզոնականը: Սա կարող է նշանակել, որ սկսնակ գործարարները Հայաստանում բախվում են մեծ դժվարությունների՝ իրենց բիզնեսը կայունացնելու համար: