Հատված
Հանրային ծառայության պաշտոնների վերլուծության և գնահատման համակարգը և դրան համարժեք աշխատանքի վարձատրությունը, ինչպես միջազգային փորձն է վկայում, պետք է դառնա քաղաքացիական ծառայությունում աշխատանքի կազմակերպման հիմնաքարերից մեկը: Հանրային ծառայության համակարգի գործունեության արդյունավետության վրա էական ազդեցություն ունեն նաև էթիկայի նորմերն ու կանոնները, որոնց միջոցով կարգավորվում են մարդկային հարաբերությունների արտաքին դրսևորումները, ծառայողների բարոյական վարքի նորմերը: Պետական ծառայության համակարգում, թերևս ամենացավոտ խնդիրներից մեկը աշխատանքի վարձատրությունն է, որը պետք է հնարավորինս մրցակցային լինի և համապատասխանի աշխատանքի շուկայի պահանջներին, սակայն բյուջետային հնարավորինս քիչ միջոցներ ծախսվեն: Այս առումով, պետական ծառայության համակարգում ծառայողների շահադրդման համակարգի ստեղծումը կբարձրացնի նրանց աշխատանքի արդյունավետությունը: Հասարակությունը հետաքրքրված է, որ իրենց վճարած հարկերի հաշվին վարձատրվող ծառայողները լավ աշխատեն: Դա նշանակում է, որ թեկուզ քիչ աշխատավարձով, բայց ծառայողներին պետք է ոգևորել, որ ավելացնեն իրենց գիտելիքները, փորձ կուտակեն, նախաձեռնություն հանդես բերեն, պարտականությունները բարեխղճորեն կատարեն, պատասխանատվության զգացում զարգացնեն: Այս իմաստով քաղաքացիական ծառայողների աշխատանքի շահադրդման և շարժառիթների համակարգը դեռևս այդքան էլ ուսումնասիրված չէ հայ հետազոտողների կողմից, սակայն ծառայողական հարաբերությունների յուրահատկությունը, աշխատանքի վերջնական արդյունքների գնահատման անորոշությունը պայմանավորված են նրանց մասնագիտական գործունեության շահադրդման առանձնահատկություններով: Նման միջոցառում կարող է լինել շնորհակալության հայտարարումը, միանվագ դրամական պարգևատրումը, հուշանվերով պարգևատրումը, լրացուցիչ վճարովի արձակուրդի տրամադրումը, պաշտոնային դրույքաչափի բարձրացումը, կարգապահական տույժի հանումը և այլն: Պետք է կապ ստեղծել քաղաքացիական ծառայողների աշխատանքի շահադրդման համակարգի և նրանց գործունեության արդյունավետության միջև:
Գրականության ցանկ
1. «Հանրային ծառայության մասին» ՀՀ օրենք, 2018թ.,
2. «Քաղաքացիական ծառայության մասին» ՀՀ օրենք, Երևան 2018թ.
3. Գաբրիելյան Բ., Չոբանյան Մ., Պետական ծառայողների աշխատանքի արդյունավետության բարձրացման խնդիրները, «Այլընտրանք» գիտական հանդես, №3, 2017թ.,
4. Խաչատրյան Ն., Ծառայությունների էկոնոմիկա: Ուս. ձեռնարկ. Եր. էդիթ Պրինտ, 2013.,
5. Հարությունյան Հ.Մ., Հանրային ծառայության կառավարման կատարելագործման հիմնախնդիրները /ՀՀ նյութե¬ րով/, տնտեսագիտության թեկնածուի գիտական աստիճանի հայցման ատենախոսություն, Երևան 2016թ,
6. Միրզոյան Վ.Ա. Աշխատանքի պրոբլեմը արդի արևմտյան սոցիոլոգիայում: Երևան, Հայաստանի ԳԱ հրատ.,1990,