Հատված
Գործնական կյանքում տնտեսական գործունեության ծրագրավորման անհրաժեշտությունն ամենից առաջ զգացվում է ձեռնարկություններում: Այստեղ արտադրությունը չի կարող զարգանալ առանց նախօրոք ընդունված ռազմավարության և մշակված գործարարության ծրագրի, որտեղ նախատեսվում է թողարկվելիք արտադրանքի տեսականին, ծավալը, անհրաժեշտ հումքի, նյութերի, վառելիքի, սարքավորումների պահանջը և այլն: Ոչ մի գործարար մարդ կամ ընկերություն, բանկային հիմնարկություն չի կատարի ներդրումներ, իր ունեցած դրամական միջոցները չի տրամադրի որպես վարկ, եթե չկա տնտեսական զարգացման հստակ ու կոնկրետ ծրագիր, որը մշակում է ձեռնարկությունը՝ հաշվի առնելով շուկայական իրադրությունը և իր հնարավորությունները: Ամեն մի ձեռնարկության տնտեսական զարգացման ծրագրի մշակման ելակետը երկրի և առանձին բնագավառի համար առկա հիմնադրույթային բնույթ և կողմնորոշիչ նշանակություն ունեցող համալիր ծրագրերն են /արտաքին միջավայր/: Դրանցում արտացոլվում են երկրի տնտեսական ու սոցիալական զարգացման հիմնական ռազմավարական ուղղությունները, ռեսուրսների համալիր օգտագործման խնդիրները: Տնտեսական ու սոցիալական զարգացման ծրագրերը նաև հիմք են պետական բյուջեի մշակման համար:
Գրականության ցանկ
- Ա.Հ.Բայադյան, Բիզնես (Գործարարության) պլան, ուսումնա-մեթոդական ձեռնարկ, Երևան, Լիմուշ, 2010թ.,
- Գ. Խաչատրյան, Ձեռնարկության էկոնոմիկա և կառավարում ուսումնական ձեռնարկ, Երևան 2009թ,
- Գործարարության պլան, մեթոդական ձեռնարկ, Երևան, 1999թ.,
- Խ.Ա.Մխիթարյան — Մենեջմենթ, Երևան, 2004.,
- С.И. Головань,М.А. Спиридонов Бизнеспланирование и инвестирование,. Ростов н/Д, Феникс, 2008,
- …