Հատված
Ազատ տնտեսվարման պայմաններում ապրանքների կամ ծառայությունների իրացումը, յուրաքանչյուր կազմակերպության գործունեության կարևորագույն փուլն է: Նշենք, որ նախկին` կենտրոնացված պլանային տնտեսության համակարգում կազմակերպությունների մոտ նմանօրինակ խնդիրներ չէին առաջանում, քանի որ ծառայություններ իրականացնող կամ արտադրանք թողարկող յուրաքանչյուր կազմակերպություն արդեն տեղյակ էր, թե որտեղ պետք է սպառվի արտադրանքը և ովքեր պետք է լինեն սպառողները: Այնինչ, անցումային տնտեսության պայմաններում, երբ յուրաքանչյուր կազմակերպություն նոր է յուրացնում նոր տնտեսակարգի բնութագրիչ գործոնները և գործունեության ռազմավարության անհրաժեշտ սկզբունքները, խիստ անհրաժեշտություն է առաջանում գործունեություն ծավալել ըստ նախապես մշակված շուկայական ռազմավարության: Ապրանքների իրացման համակարգում ձեռնարկությունը սահմանում է արտադրանքի մատակարարման ծավալն ու կառուցվածքը, ինչպես նաև արտադրանքի իրացման հասույթի և շահույթի պլանավորվող չափը: Իրացման համակարգի մշակման համար որպես հիմք են ծառայում պատվերների պորտֆելը և մատակարարման պայմանագրերը, ձեռնարկության պահեստներում արտադրանքի պաշարների վերաբերյալ տվյալները, մեծածախ գները և արտադրանքի ինքնարժեքը, նոր ապրանքների յուրացման ժամկետները և այլն:
Գրականության ցանկ
1. Ղանթարջյան Ս.Լ., Մարքեթինգի կառավարում, Երևան 2011թ
2. Багиев Г. Л., Тарасевич В. М., Х. Анн. Маркетинг: Учебник для вузов.- Экономика, 2000.- С
3. Захаров С. В. Маркетинг : учеб. / С. В. Захаров, Б. Ю. Сербиновский, В. И. Павленко. — 2-е изд., доп. и перераб. — Ростов н/Дону : Феникс, 2009. — 361 с
4. Ф. Котлер, “Oсновы маркетинга” 1991
5. http://marketing-gabrielyan.blogspot.com
6. http://www.elitarium.ru