Հատված
Մասնավորապես, շահույթի և շահութաբերության տնտեսական բովանդակության, զուտ եկամուտի մեջ դրա ունեցած դերի ու տեղի հարցերը հանգամանալից քննարկվել են և լուսաբանվել Ս. Սիտարյանի, Վ. Պետրոսյանի, Դ. Ալախվերդյանի, Ռ. Կարագեդովի, Ռ. Միրզոյանի և բազմաթիվ այլ հայ տնտեսագետների աշխատություններում: Առանձնակի ուշադրության են արժանի Վ. Խլղաթյանի հետազոտությունները, որտեղ հարցերի տեսական պարզաբանումները և կոնկրետ լուծումները տրված են արտադրանքի գին, արժեք, շահույթ, շահութաբերության կապի մեջ: Դրանցում հատկապես ընդգծված են շահույթի օպտիմալ չափերի` տնտեսամաթեմատիկական մեթոդներով որոշման և նպատակահարմար բաշխման խնդիրները: Ձեռնարկությունը երբեմն հարկ է լինում որոշումներ կայացնել գործող արտադրությունների շարունակման կամ փակման ուղղությամբ: Նման որոշումներ կայացնելու համար վերլուծվում են եկամուտները և ծախսերը: Սա շատ պարզ է յուրաքանչյուր ընկեություն ձգտում է ստանալ շահույթ, այնուհետև այդ շահույթը հասցնի առավելագույնի: