Իրավական պետությունից բխող վարչական իրավունքի հիմունքներ

Հատված

Ի­րա­վուն­քի հա­մա­կար­գը բաղ­կա­ցած է ի­րա­վուն­քի այն­պի­սի ճյու­ղե­րից, ո­րոնք ա­ռա­ջին հեր­թին տար­բեր­վում են ի­րա­վա­կան կար­գա­վոր­ման ա­ռար­կա­յով ու մե­թո­դով։ Ընդ ո­րում, ի­րա­վուն­քի յու­րա­քանչ­յուր ճյու­ղի ա­ռար­կան այն հա­սա­րա­կա­կան հա­րա­բե­րութ­յուն­ներն են, ո­րոնք կար­գա­վոր­վում են տվյալ ճյու­ղի նոր­մե­րով։ Վար­չա­կան ի­րա­վուն­քը, որ­պես ի­րա­վուն­քի ճյուղ, կար­գա­վո­րում է ա­ռանձ­նա­հա­տուկ հա­սա­րա­կա­կան հա­րա­բե­րութ­յուն­նե­րի ամ­բող­ջութ­յուն, ո­րոնք ա­ռա­ջա­նում են պե­տա­կան կա­ռա­վար­ման, այ­սինքն՝ գոր­ծա­դիր իշ­խա­նութ­յան հա­մա­կար­գի կազ­մա­կերպ­ման ու գոր­ծու­նեութ­յան ըն­թաց­քում։ Ա­վե­լի կոնկ­րետ՝ դրանք գոր­ծա­դիր-կար­գադ­րիչ մար­մին­նե­րի կազ­մա­կերպ­ման և դրանց, ինչ­պես նաև են­թա­կա մի շարք կազ­մա­կեր­պութ­յուն­նե­րի, պե­տա­կան կա­ռա­վար­ման մար­մին­նե­րի ղե­կա­վար­նե­րի կող­մից ներ­կազ­մա­կեր­պա­կան վար­չա­կան գոր­ծու­նեութ­յան կա­պակ­ցութ­յամբ ա­ռա­ջա­ցող հա­րա­բե­րութ­յուն­ներն են։ Այս­պի­սով, վար­չա­կան ի­րա­վուն­քի ա­ռար­կան ընդգր­կում է եր­կու խումբ կա­ռա­վար­չա­կան բնույ­թի հա­սա­րա­կա­կան հա­րա­բե­րութ­յուն­ներ՝ ա) պե­տա­կան կա­ռա­վար­ման (գոր­ծա­դիր իշ­խա­նութ­յան) ի­րա­կա­նաց­ման հետ ան­մի­ջա­կա­նո­րեն կապ­ված հա­րա­բե­րութ­յուն­նե­րը (հիմ­նա­կան խումբ) և բ) պե­տա­կան մյուս մար­մին­նե­րի գոր­ծու­նեութ­յան ըն­թաց­քում ա­ռա­ջա­ցող այլ՝ մաս­նա­վո­րա­պես ներ­կազ­մա­կեր­պա­կան, հա­րա­բե­րութ­յուն­նե­րը (օ­ժան­դակ խումբ)։ Այլ կերպ ա­սած, վար­չա­կան ի­րա­վուն­քի ա­ռար­կան կազ­մում են այն­պի­սի կա­ռա­վար­չա­կան հա­րա­բե­րութ­յուն­նե­րը, ո­րոնք ա­ռա­ջա­նում, փո­փոխ­վում և դա­դա­րում են գոր­ծա­դիր իշ­խա­նութ­յան գործ­նա­կան ի­րա­կա­նաց­ման կա­պակ­ցութ­յամբ։