Հատված
«Ջերմուկ գրուպ» ընկերությունը հանդիսանում է հանքային և բնական աղբյուրի ջուր արտադրող խոշորագույն ընկերությունը Հայաստանում: «Ջերմուկ գրուպ» ընկերությունը հիմնադրվել է 1999թ. Ջերմուկ քաղաքում` Աշոտ Արսենյանի կողմից: Այն նշանավորվեց Ջերմուկ քաղաքում հանքային ջրի արտադրության նոր գործարանի կառուցումով: Հատկանշական է այն փաստը, որ գործարանը կառուցվեց հանքային ջրի հորատանցքի վրա, որը գտնվում է մոտ 30 մետր խորության վրա: Ավելի քան մեկ տասնամյակ է ընկերությունը կարողանում է պահպանել շուկայում առաջատարի իր դիրքերը, ինչին նպաստում են անընդհատ կատարվող ներդրումները, տեխնիկական համալրումները, բիզնեսի գործընթացների բարելավումները: