Հատված
Կապիտալը ֆինանսական մենեջմենթում ամենաշատ կիրառվող տնտեսագիտական կատեգորիան է: Այն ձեռնարկության ստեղծման և զարգացման հիմքն է հանդիսանում: Ցանկացած արտադրական կամ առևտրային գործունեություն իրականացնող կազմակերպություն պետք է տիրապետի որոշակի կապիտալի, որն իրենից ներկայացնում է նյութական արժեքների, դրամական միջոցների, ֆինանսական ներդրումների, իրավունքների ձեռքբերման և պարտավորությունների ու ծախսերի մի ամբողջություն, որոնք անհրաժեշտ են տնտեսական գործունեության իրականացման համար: Ժամանակակից շուկայական տնտեսության պայմաններում, երբ ընկերությունները իրենց միջոցները ձևավորում են ինչպես սեփական, այնպես էլ փոխառու միջոցների հաշվին, անհրաժեշտ է, որպեսզի ապահովվի դրանց օպտիմալ կառուցվածքը: Դրանց ձևավորման ժամանակ շեշտը չպետք է դնել միայն ֆինանսական կայունության վրա, անհրաժեշտ է նաև փոխառու միջոցների ներգրավման և դրա օպտիմալ մակարդակի ապահովման միջոցով առավելագույնի հասցնել սեփական միջոցների օգտագործման արդյունավետությունը: Իր հերթին սեփական կապիտալի ռացիոնալ կառավարումը պահանջում է ձեռնարկության սեփական կապիտալի տնտեսական վերլուծության համակարգի ձևավորում և հետագա կատարելագործում, քանի որ տնտեսագիտական վերլուծության ոչ բավարար մշակումը չի թողնում զարգացման ճիշտ ռազմավարական ուղղություն ընտրել, վատթարացնում է ներդրումային քաղաքականության արդյունավետությունը, բարդացնում է կապիտալի կուտակման գործընթացը, և ի վերջո իջեցնում է կազմակերպության գործունեության արդյունավետությունը:
Գրականության ցանկ
1. Ա. Անդրեասյան Տնտեսական գործունեության վերլուծություն Երևան 2003
2. Г. В. Савицкая Экономический анализ Москва “ Новое знание” 2003
3. Ионова А.Ф., Шеремет А.Д. “Финансы предприятий: Менеджмент и анализ” Учебное пособие для вузов Изд. 1-е, испр., доп. Инфра-М 2005 г.
4. www.artfood.am