Հատված
Գնաճի ներկա մակարդակի մեծությունը և ապագա մակարդակների սպասումները կանխորոշում են գրեթե բոլոր ոլորտների տնտեսվարողների վարքագիծը և կարևոր են բոլոր շուկաներում քաղաքականություն իրականացնողների համար, հատկապեսկենտրոնական բանկերի համար, քանի որ վերջիններիս գերակշռող մասի գլխավոր նպատակը գների կայունության ապահովումն է: Կենտրոնական բանկերը դրամավարկային քաղաքականության իրականացման ժամանակ հաշվի են առնում գնաճի երկու հիմնական ցուցանիշներ՝ սպառողական գների ինդեքսը (ՍԳԻ) և բնականոն գնաճի ցուցանիշը: Հաշվի առնելով ներկայումս կենտրոնական բանկերի կողմից գնաճի նպատակադրման շրջանակներում իրականացվող դրամավարկային քաղաքականության մոտեցումները կենտրոնական բանկերը, իրենց քաղաքականությունը իրականացնելիս, բացի գնաճի ներկա մակարդակի կառավարումից մեծ ուշադրություն են դարձնում նաև գնաճի ապագա մակարդակների գնահատականների ստացման վրա: Այս առումով արդիական է և հույժ կարևորվում է գնաճի ապագա մակարդակների գնահատականների (սպասումների) ստացման եղանակների բացահայտումը, ինչը կարող է տալ գնաճի ապագա սպասումների վերաբերյալ պարբերաբար և որակյալ տեղեկատվություն` ձևավորված ինչպես բանկերի և տնտեսվարող սուբյեկտների, այնպես էլ լայն հասարակության սպասումների հիման վրա:
Գրականության ցանկ
- «Հայաստանի Հանրապետության 2012-2025թթ. հեռանկարային զարգացման ռազմավարական ծրագիր»
- «Նվազագույն սպառողական զամբյուղի մասին» ՀՀ օրենք
- ՀՀ ԿԲ վիճակագրական տեղեկագրեր
- ՀՀ ԱՎԾ Վիճակագրական տարեգրքեր 2017