ՀՀ արժեթղթերի շուկայի կարգավորման և վերահսկողության համակարգը

Հատված

Արժեթղթերի շուկայի կարգավորումը նրա գործունեության կարևորագույն բաղադրիչներից է, և ճիշտ կազմակերպված կարգավորման գործառույթը կարող է էական ազդեցություն ունենալ արժեթղթերի շուկայի զարգացման գործում: Զարգացած երկրների փորձը, որտեղ արդեն վաղուց ձևավորվել է ֆոնդային շուկա, խոսում է ինքնակարգավորվող կազմակերպությունների՝ կարգավորման համակարգում մասնակցության անհրաժեշտության մասին, քանի որ շուկայի մասնակիցները ավելի շատ են պատկերացնում իրական խնդիրները, որոնց հետ բախվում են շուկան և նրա մասնակիցները: Բացի դրանից ինքնակարգավորվող կազմակերպությունից կարգավորող մարմիններին կարող են ազդանշաններ ուղարկվել օրենսդրության կատարելագործման անհրաժեշտության, մոնիթորինգի համակարգի բարելավման, շուկայի մասնակիցների վարքագծի ստանդարտների մշակման մասին և այլն: