Հատված
Ինչպես համակարգային փոփոխություններ կրող ցանկացած երկրում, այնպես էլ Հայաստանի Հանրապետությունում շուկայական հարաբերությունների ձևավորման և շուկայական տնտեսության անցման գործընթացը բնութագրվում է տնտեսության արմատական վերափոխումներով ու ենթակառուցվածքների ստեղծման անհրաժեշտությամբ: Այս նպատակի հետևողական իրացումը ենթադրում է համապատասխան ֆինանսական համակարգի ձևավորում իր առանձնահատուկ կառուցվածքով և մեխանիզմներով: Հայաստանի Հանրապետության ֆինանսական համակարգի կառուցվածքը ներկայումս կենտրոնացված և պարզունակ է: Նախ, բացակայում են կոլեկտիվ ներդրումային ինստիտուտները՝ ներդրումային հիմնադրամները, որոնք հանդիսանում են ֆինանսական համակարգի և, ընդհանրապես, տնտեսության զարգացման համար կարևորագույն ինստիտուտներ, իսկ մյուս ոչ բանկային ֆինանսական ինստիտուտները դեռևս գտնվում են կայացման փուլում: Վերջին ֆինանսատնտեսական ճգնաժամը, խաթարելով տնտեսության ֆինանսական հատվածի ռիթմիկությունը, հասարակության շրջանում անվստահության լուրջ ալիք առաջացրեց ֆինանսական համակարգի նկատմամբ: Այն ավելի խորացավ ՀՀ արժույթային շուկայի կրած կտրուկ տատանումների արդյունքում, վատացնելով ֆինանսական միջնորդության մակարդակը: Ընթացող փոփոխությունները զգալի քանակական և կառուցվածքային տեղաշարժեր առաջացրեցին նաև հանրապետության կենտրոնացված ֆինանսների համակարգում:
Գրականության ցանկ
- ՀՀ 2017թ. բյուջեի կատարման հաշվետվություն
- Ֆինանսներ, դրամաշրջանառություն և վարկ, Դասագիրք/ Լ. Բադանյան, Կ. Աբգարյան, Ա. Սալնազարյան և ուրիշներ,– Եր., Զանգակ–97, 2007, 664 էջ:
- Ա.Բ. Սալնազարյան Արժեթղթերի շուկայի ներդրումային գործառույթների իրականացումը և արդյունավետությունը, Երևան 2002թ., էջ 42
- Ֆինանսների ընդհանուր տեսություն, ֆինանսներ, ձեռնարկությունների տնտեսագիտություն, (ուս. ձեռնարկ), Վ. Վարդանյան, Երևան, 2005, 464 էջ
- Գյուլասարյան Մ. Հարկաբյուջետային քաղաքականության հիմնախնդիրները և հարկային բարեփոխումները ՀՀ-ում. Հայաստան. Ֆինանսներ և էկոնոմիկա. #11-12 (161-162) նոյեմբեր-դեկտեմբեր 2013, էջ 36-39
- ՀՀ բյուջետային համակարգը Յու. Ալավերդյան, Երևան 2012թ. Էջ 255
- …..