Ձեռնարկության դրամական ֆոնդերը և ֆինանսական ռեսուրսները

Հատված

Շուկայական հարաբերությունների խորացմանը զուգընթաց նորանկախ երկրներում ֆինանսական ռեսուրսների ձևավորման և օգտագործման խնդիրները ստացել են նոր որակ և բովանդակություն: Տնտեսական գործունեության ընթացքում առևտրային կազմակերպությունները ֆինանսական ռեսուրսների կառուցվածքում պարբերաբար հակված են իրականացնել անհրաժեշտ փոփոխություններ: Ֆինանսական կառավարման տեսանկյունից կապիտալի ներգրավման գինը պետք է լինի առկա տարբերակներից հնարավորինս նվազագույնը, որպեսզի միաժամանակ պահպանվեն կազմակերպության հեռանկարային զարգացման ուղղությունները: Որպես կանոն կազմակերպությունների ֆինանսավորման ներքին աղբյուրների հաշվին ոչ միշտ է հնարավոր ապահովել կազմակերպության գործունեության զարգացման խնդիրների արդյունավետ լուծումը: Այդ տեսակետից, անչափ կարևոր նշանակություն են ստացել ֆինանսական ռեսուրսների արտաքին այլընտրանքային աղբյուրների առկայությունը և դրանցից օգտվելու կազմակերպությունների հնարավորությունները: