Հատված
Շուկայական տնտեսության պայմաններում կազմակերպության գործարար ակտիվությունը և հուսալիությունը բնութագրվում է նրա ֆինանսական դրությամբ: Դա շուկայի բոլոր մասնակիցների շահերի իրագործման երաշխիքն է, քանի որ բավականին մեծ է հետաքրքրությունը յուրաքանչյուր կազմակերպության ֆինանսական դրության վերաբերյալ արժանահավատ տեղեկատվության ստացման նկատմամբ: Շուկայի մասնակիցները մշտապես շահագրգռված են իրենց գործընկերների մրցունակության և հուսալիության գնահատման հիմնահարցերով: Ֆինանսները դրամական հարաբերությունների համակարգ է, որը ընկած է կազմակերպության տնտեսական գործունեության իրականացման հիմքում: Ֆինանսական դրությունը իրենից ներկայացնում է կազմակերպության տնտեսական գործունեության ֆինանսավորման հնարավորությունը և ինքնազարգացման ունակությունը: Այն արտացոլվում է ֆինանսական ռեսուրսների օպտիմալ ձևավորման, նպատակահարմար տեղաբաշխման և արդյունավետ օգտագործման մեջ: Հայտնի է, որ կազմակերպության տնտեսական գործունեությունը իրականացվում է հետևյալ ոլորտներումգործառնական, ներդրումային և ֆինանսական, որտեղ միջոցների անընդմեջ շրջանառության հետևանքով փոփոխվում է ակտիվների, սեփական կապիտալի և պարտավորությունների կառուցվածքը, ֆինանսական ռեսուրսների պահանջարկը ազդելով նրա ֆինանսական դրության վրա:
Գրականության ցանկ
- Բադանյան Լ., Ֆինանսներ, դրամաշրջանառություն և վարկ, Երևան 2010
- Щербаков В. А., Веселовский В. В., Финансовое планирование и управление формированием заемного капитала в развитии бизнеса предприятий на современном этапе развития российской экономики// Финансы и кредит. М., 2010 №19(307)
- Меньшиков И. С., Сделки с ценными бумагами, М., ИКЦ “ДИС”, 2000
- ……