Ոչ հարկային եկամուտներ

Հատված

Տնտեսության կայունացման, առաջընթացի ապահովման հետ կապված տարաբնույթ խնդիրների լուծման գործում չափազանց կարևոր դեր ունի երկրի հարկաբյուջետային համակարգը: Դեռևս Ջ. Քեյնսը ճգնաժամից ելքը համարում էր տնտեսությանը պետական միջամտությունը«որպես գործնականում միակ հնարավոր միջոցը խուսափելու համար գոյություն ունեցող տնտեսակարգի ամբողջական փլուզումից…»: Պետական բյուջեն կառավարության տնտեսական քաղաքականոթյան իրականացման հատուկ մեխանիզմ է: Ըստ էության՝ այն պետք է արտացոլի պետական եկամուտների և ծախսերի առումով առաջացող հասարակական հետաքրքրություններն ու շահերը և սահմանի այն ֆինանսական դաշտի կառուցվածքն ու չափերը, որոնք գործադիր իշխանությունը պարտավոր է իրականացնել: Նման սկզբունքի պահպանման նկատմամբ անհետևողականության դրսևորման պատճառով ներկայում հարկաբյուջետային ոլորտում առկա է ոչ ցանկալի իրավիճակ: Հարցն այն է, որ բյուջեի եկամտային բազան պետք է լինի ռեալ, մինչդեռ ինչպես ցույց է տալիս փորձը, կառավարության կանխատեսումներն այս ուղղությամբ գրեթե միշտ չեն համապատասխանում իրականությանը: