Պետական բյուջեի ձևավորման և կատարման հիմնահարցերը ՀՀ_ում

Հատված

Բյուջեն հասարակական կյանքը կարգավորող կարևոր փասթաթղթերից է, որն ընկալվում է որպես պետության տնտեսական գործունեության իրավաբանական օրենք։ Պատահական չէ, որ նրա քննարկումը տարբեր մակարդակներում բավական երկար է տևում և երբեմն կրում է ծայրահեղ բնույթ։ Տնտեսավարման նոր պայմաններում թեպետ դանդաղ, բայց որոշակիորեն տնտեսության կառավարման ողջ համակարգում տեղի ունեցող կամ սպասվելիք արմատական փոփխություններն իրենց ազդեցությունն են թողում բյուջետային համակարգի տարբեր օղակների ծախսերի ֆինանսավորման վրա։ Բյուջետային համակարգ ասելով հասկանում ենք յուրաքանչյուր պետության բյուջեի կազմի մեջ մտնող բոլոր տեսակի բյուջետների ամբողջությունը։ Հայաստանի Հանրապետության բյուջետային համակարգի կառուցվածքը որոշվում է նրա պետական կառուցվածքով և վարչատարածքային բաժանմամբ։ ՀՀ բյուջետային համակարգի կառուցվածքի և բյուջետային հարաբերությունների հարցերը կարգավորվում են նրա սահմանադրությամբ և ֆինանսաբյուջետային հատուկ օրենսդրական ակտերով։