Հատված
ԵՏՄ-ի շրջանակներում անդամ պետությունները ընդունել են ԵՏՄ-ը կամ Մաքսային միության օրենսգիրքը: Մասնավորապես Մաքսային միության մաքսային օրենսգրքի մասին պայմանագրի համաձայն՝ Բելառուսի Հանրապետությունը, Ղազախստանի Հանրապետությունը և Ռուսաստանի Դաշնությունը, հիմնվելով «Միասնական մաքսային տարածք ստեղծելու և մաքսային միություն ձևավորելու մասին» 2007 թվականի հոկտեմբերի 6-ի պայմանագրի և «Մաքսային միության հանձնաժողովի մասին» 2007 թվականի հոկտեմբերի 6-ի պայմանագրի վրա, հաշվի առնելով միջազգային իրավունքի` համընդհանուր ճանաչում ունեցող սկզբունքներն ու նորմերը, նպատակ ունենալով մաքսային կարգավորում ապահովել Մաքսային միության միասնական մաքսային տարածքում, ընդունում են Մաքսային միության մաքսային օրենսգիրքը: Եվրասիական տնտեսական համայնքի շրջանակներում Մաքսային միությունում մաքսային կարգավորում է համարվում Մաքսային միության մաքսային սահմանով ապրանքների տեղափոխման, Մաքսային միության միասնական մաքսային տարածքով մաքսային հսկողության տակ դրանց փոխադրման, ժամանակավոր պահպանության, մաքսային հայտարարագրման, մաքսային ընթացակարգերին համապատասխան բացթողման և օգտագործման, մաքսային հսկողության իրականացման, մաքսային վճարների վճարման հետ կապված հարաբերությունների, ինչպես նաև մաքսային մարմինների և նշված ապրանքների տիրապետման, օգտագործման և տնօրինման իրավունքներն իրականացնող անձանց միջև իրավազոր հարաբերությունների իրավական կարգավորումը:
Գրականության ցանկ
1. Ակցիզային հարկի մասին ՀՀ օրենք, ընդունվել է 07.07.2000, ուժի մեջ է մտել 01.08.2000, ՀՕ-79:
2. Ավելացված արժեքի հարկի մասին ՀՀ օրենք, ընդունվել է 14.05.1997, ուժի մեջ է մտել 01.07.1997, ՀՕ-118:
3. Մաքսային միության մաքսային օրենսգիրք, հոդված 70-րդ:
4. Համաձայնագիր մաքսային միության մաքսային սահմանով տեղափոխվող ապրանքների մաքսային արժեքը որոշելու մասին, հոդված 1-ին:
5. Հայաստանի Հանրապետության և Եվրասիական տնտեսական միության անդամ պետությունների միջև անուղղակի հարկերի հաշվարկման և վճարման առանձնահատկությունների մասինե ՀՀ օրենք, ըդունվել է 17.12.2014, ուժի մեջ է մտել 30.12.2014, ՀՕ-242: