Հատված
ՀՀ-ում իրականացվում է միասնական մաքսային քաղաքականություն, որը ՀՀ համընդհանուր տնտեսական քաղաքականության անբաժանելի մասն է: ՀՀ մաքսային քաղաքականությունը մաքսային գործի բնագավառում իրականացվող քաղաքական, իրավական, տնտեսական, կազմակերպչական և այլ լայնածավալ միջոցառումների համակարգ է, որոնք ուղղված են երկրի արտաքին և ներքին տնտեսական շահերի պաշտպանությանը: Այս գործընթացում մաքսային վճարների ձևավորումը և գանձման մեխանիզմների կատարելագործումը հանդիսանում է երկրի ներքին և արտաքին տնտեսական քաղաքականության բաղկացուցիչ մասը: Մաքսային վճարների սահմանումը պետք է իրականացվի մաքսային քաղաքականության կարևորագույն դրույթ հանդիսացող հստակ մշակված սակագնային քաղաքականության հիման վրա, ինչի հարցում պետք է յուրովի մոտեցում ցույց տրվի ցանկացած ապրանքի կամ միմյանց հետ կապվածության մեջ գտնվող ապրանքների և ապրանքախմբերի նկատմամբ: Հայաստանի Հանրապետության` որպես անցումային փուլում գտնվող տնտեսությամբ երկրի մաքսային սակագնային քաղաքականությունը հատկապես պետք է լինի ճկուն, հիմնված լինի արտաքին և ներքին շուկաներում ապրանքների գների, արտադրության, ներմուծման և սպառման ծավալների վերաբերյալ պարբերաբար իրականացվող ֆինանսական և վիճակագրական վերլուծության վրա, այսինքն` պետք է հաշվի առնվեն անցումային տնտեսությանը բնորոշ տնտեսությունում հաճախակի տեղի ունեցող փոփոխությունները, քանի որ նման տնտեսակարգերում, կախված կենսամակարդակի փոփոխությունների տատանումներից, սպառողական զամբյուղի ապրանքները հաճախակի փոփոխվում են:
Գրականության ցանկ
1. Մաքսային գործի հիմունքներ, Ա. Ճուղուրյան, Կ. Աբգարյան, Երևան 2007,
2. Մաքսային գործառնությունների կազմակերպում, Գ. Թատինյան, Հ. Պապոյան, Երևան, 2008
3. ՀՀ «Մաքսային օրենսգիրք», Ե., 2006:
4. «Մաքսային ծառայության մասին» ՀՀ օրենքը, 2002:
5. Մաքսային արժեքի որոշման μացատրական նշումները հաս-տատելու մասին ՀՀ կառավարության 2002թ. դեկտեմμերի 5-ի թիվ 2170 որոշումը:
6. Таможенный кодекс Российской Федерации от 28 мая 2003г. N 61-ф3.М., 2003.