Հատված
Տոկոսային ռիսկը կարող է լինել երկու տեսակի.
- Բազային ռիսկ, որը կապված է տոկոսադրույքների կառուցվածքի փոփոխման հետ: Այս ռիսկն ի հայտ է գալիս այն դեպքում, երբ բանկի ներգրավված և տեղաբաշխված միջոցների տոկոսադրույքներն ունեն կառուցվածքային տարբերություն: Տվյալ ռիսկն առաջանում է տարբեր տեսակի տոկոսադրույքների ապագա փոփոխությունների անորոշության հետևանքով: Բազային ռիսկը կտրուկ աճում է, երբ բանկը միջոցներ է ներգրավում բազային տոկոսադրույքով, իսկ տեղաբաշխում` փոփոխվող տոկոսադրույքով, և հակառակը: Այս ռիսկը կարող է նաև հանդես գալ, երբ ներգրավված և տեղաբաշխված միջոցները կապված են տարբեր բազային տոկոսադրույքների հետ: Հարկ է նշել, որ Հայաստանում դրա ազդեցությունն ամբողջ բանկային համակարգի վրա այդքան էլ մեծ չէ: Բազային ռիսկի առաջացումը կապված է նաև արտարժույթների փոխարժեքների փոփոխման հետ, և արտարժութային ռիսկի տարատեսակ է:
- Ժամկետայնության ճեղքվածքի ռիսկ, որն առաջանում է այն դեպքում, երբ բանկը միջոցներ է ներգրավում և տեղաբաշխում միևնույն տեսակի տոկոսադրույքներով, սակայն որոշ ժամանակային ճեղքվածքով, ինչը նշանակում է, որ բանկի ներգրաված և տեղաբաշխած միջոցները համաձայնեցված չեն ըստ մարման կամ տոկոսադրույքների վերանայման ժամկետների: Այսպիսով, կարելի է եզրակացնել, որ տոկոսային ռիսկը հիմնականում պայմանավորված է ակտիվների և պարտավորությունների տոկոսադրույքների փոփոխման նկատմամբ բանկի կախվածության աստիճանով և տոկոսադրույքների փոփոխման նկատմամբ բանկի զգայուն ակտիվների և պարտավորությունների անհամապատասխանությամբ:
Գրականության ցանկ
1. Բ. Ասատրյան, Բանկային գործ, 2004թ. էջ 414
2. Рысина Н.В. Управление и контроль над рисками в небольших коммерческих банках // Молодой ученый. 2014. № 2. С. 546–548.
3. Тарханова Е.А., Пастухова А.В. Страхование банковских кредитных рисков в коммерческом банке // Молодой ученый. 2014. № 5. С. 321–323.
4. www.aeb.am
5. www.vtb.am