Զիգմունդ Ֆրեյդի տեսակետները գնորդի դրդապատճառների մասին

Հատված

Սպառողական վարքագիծը սպառողների պահանջարկի ձևավորման պրոցեսն է տարբեր ապրանքների ու ծառայությունների նկատմամբ` հաշվի առնելով նրանց եկամուտները և անձնական նախասիրությունները: Քանի որ մարդկանց եկամուտները սահմանափակ են, նշանակում է, որ երբ մարդ որոշում է կայացնում գնել մի որևէ ապրանք, նշանակում է, որ նա զրկվում է մյուս ապրանքները գնելու հնարավորությունից: Սա ստիպում է սպառողին անընդհատ համեմատել տարբեր այլընտրանքային տարբերակներ, որոնց վրա նա պետք է փող ծախսի այն հաշվով, որ կարողանա հասնել իր պահանջմունքների առավելագույն բավարարվածության: Սպառողները անհատներ են` օժտված կամքով, իրենց հատուկ հոգեբանությամբ, նախասիրություններով և դրամական միջոցների տարբերությամբ: Ուստի տարբեր սպառողների վարքագիծը չի կարելի ներփակել միանման շրջանակների մեջ: Այստեղ մեզ մոտ կարող են առաջանալ շատ հարցեր: Օրինակ` մարդը իսկապե՞ս է առաջնորդվում խնայողական գաղափարներով, կամ իսկապե՞ս գնումներ կատարելիս մարդիկ անընդհատ հաշվում են դրանց լավ ու վատ կողմերը: Կամ կա՞ն արդյոք ապրանքներ, որոնց նկատմամբ գնումները կատարվում են ավտոմատորեն, առանց հաշվարկների: Սպառողական վարքագծի առանձնահատուկ դրսևորումներից է գնման որոշման կայացումը: Այսինքն՝ յուրաքանչյուր սպառող գնորդ է: