Հատված
ՀՀ հարկային համակարգում կարևորվում է անուղղակի հարկատեսակների գծով բյուջեի մուտքերի ապահովումը, որոնց մեջ իր կարևորությամբ առանձնանում է ավելացված արժեքի հարկի (ԱԱՀ-ի) վերաբերյալ օրենսդրական բազայի առկայությունն ու անհրաժեշտությունը, քանի որ այս հարկատեսակն է ապահովում պետական բյուջեի եկամուտների գերակշիռ մասը: Ներկայումս ԱԱՀ-ը կիրառվում է աշխարհի ավելի քան 50 երկրներում։ Այս հարկատեսակն ապահովում է այդ երկրների բյուջետային եկամուտների միջին հաշվով 14-15%-ը, սակայն այդ բաժինը առանձին երկրների բյուջեներում զգալիորեն տարբերվում է։ ԱԱՀ-ն այլ կերպ անվանում են սպառման կամ շրջանառության ընդհանուր անուղղակի հարկ։ Ինչու՞ սպառման, որովհետև ի վերջո սպառողն է կրում հարկային բեռը, նա է վճարում հարկի գումարը ապրանք կամ ծառայություն ձեռք բերելիս, իսկ արտադրողը կամ առևտրականն, ըստ էության, կատարում են հարկային գործակալի գործառույթ (գանձում են հարկը և վճարում բյուջե)։ Պետք է նշել, որ ավելացված արժեքի հարկի մասին օրենքի համաձայն ավելացված արժեքի հարկը (ԱԱՀ) անուղղակի հարկ է, որն օրենքի համաձայն վճարվում (գանձվում) է պետական բյուջե` ապրանքների ներմուծման, Հայաստանի Հանրապետության տարածքում դրանց արտադրության ու շրջանառության, ինչպես նաև ծառայությունների մատուցման բոլոր փուլերում:
Գրականության ցանկ
1. Ա. Թամազյան, «Հարկային օրենսդրության հիմունքներ» , Երևան 2003,
2. ՀՀ Հարկային օրենսգիրք, http://www.irtek.am/views/act.aspx?aid=150068
3. Ա.Թավադյան, Հարկային օրենսդրության առանձնահատկությունները ԵԱՏՄ-ում, 21-րդ դար ամսագիր, 2018թ., http://www.noravank.am/upload/pdf/Tavadyan_21_DAR_05_2018.pdf
4. Վ.Հարությունյան, Հարկեր և հարկագանձում, 2010թ.,