Հատված
Բոլոր ժամանակներում դպրոցը արտացոլում է հասարակության զարգացման միտումները: Պետական գաղափարախոսության և արժեքային համակարգի փոփոխման պայմաններում փոփոխվում են նաև դպրոցական կրթության նպատակները: Կրթությունը սահմանվում է իբրև պետության ու հասարակության շահերից բխող անձի ուսուցմանն ու դաստիարակությանն ուղղված գործընթաց, որն իրականացվում է որոշակի մշակված ներգործությունների համակարգով: Այն սովորողների կողմից գիտելիքների համակարգի ձեռք բերման և դրանց հիման վրա աշխարհայացքի ձևավորման գործընթաց է և արգասիք: Դիդակտիկայում կրթության նպատակ է համարվում հասարակության կողմից ընդունված արժեքային համակարգի ձևավորումն ու դրա արտացոլումը աշակերտի գիտակցության մեջ: Աշխարհագրական կրթության բովանդակությունը աշխարհագրական գիտելիքների, կարողությունների և հմտությունների, աշխարհայացքի, գաղափարաբարոյական արժեքների, իմացական և ստեղծագործական փորձի ամբողջությունն է: Աճող սերնդի համար արժեք պետք է համարվեն բնությունն ու մշակույթը, իրազեկությունն ու մտավոր ակտիվությունը, մարդու արժանապատվությունն ու առողջությունը: Կրթությունն ապահովող կարևոր հիմնարկներից է դպրոցը, այն կրթադաստիարակչական հաստատություն է: Դպրոցը կոչված է պատրաստել մարդուն ինքնուրույն կյանքի, զինել գիտելիքներով, սովորեցնել նրան ճիշտ վարվելակերպ հասարակական և բնական միջավայրում, զարգացնել նրա մոտ ինքնակրթության և ինքնազարգացման ձգտումը:
Գրականության ցանկ
1. Սարգսյան Խ., Աշխարհագրության դասավանդման մեթոդիկա. Եր., 2002
2. Մինասյան Ա.Ա., Աշխարհագրության ուսուցման մեթոդիկա. Եր., 2013
3. Աշխարհագրություն 10. https://lib.mskh.am/images/books/ashxarhagrutyun-10.pdf