Հատված
Էնտամոլոգիան ուսումնասիրում է մարմնի կառուցվածքը ինչպես արտաքին, այնպես էլ՝ ներքին: Արտաքին օրգաններն ուսումնասիրող գիտությունը կոչվում է էյդոնոմիա, իսկ ներքին օրգանններն ուսումնասիրող գիտությունը՝ անատոմիա: Միջատի մարմինը արտաքինից ծածկված է ամուր խիտինային ծածկույթով: Մարմինն ունի երկկողմ համաչափություն: Ուսումնասիրելով միջատին բոլոր կողմերից (հատկապես կողքից և ներքևից)` երևում է, որ մարմինը բաժանված է մի քանի հատվածների: Վերջիններս պարզ կերպով միավորվում են մարմնի երեք բաժիններում՝ գլուխ (caput), կուրծք (thorax) և փոր(abdomen): Այդ բաժիններից յուրաքանչյուրն իր վրա կրում է տարբեր ծագման հավելուկներ: Միջատի մարմինն արտաքինից պատված է մեծ կամ փոքր պատյանով, որը նման է արտաքին կմախքի և որպես կանոն կազմում է կոշտ վահան: Դրանով միջատները տարբերվում են կմախք ունեցողներից, որոնց կմախքը ներսից է: Մարմնի շարժունությանը հասնում են մասերի կամ սեգմենտների բաժանված լինելու շնորհիվ: Մարմնի մասերի միջև վահանը բարակ և ճկուն է, ձևավորում է միջհատվածային մեմբրան: