Հատված
Հայաստանն այն եզակի պետություններից էր, որ Խորհրդային Միության փլուզումից հետո ակտիվորեն սկսեց զարգացնել ոչ միայն քաղաքական ու տնտեսական, այլև ռազմական համագործակցությունը Ռուսաստանի Դաշնության հետ: Ի տարբերություն հետխորհրդային տարածաշրջանի երկրներից Ադրբեջանի, Վրաստանի, Մոլդովայի և Ուկրաինայի, ինչպես նաև Մերձբալթյան երկրների, Հայաստանը Խորհրդային Միության փլուզումից անմիջապես հետո հաստատեց, որ Ռուսաստանի Դաշնության հետ բոլոր ոլորտներում, այդ թվում նաև ռազմական ոլորտում, համագործակցությունը Հայաստանի անվտանգության համար կարևոր նշանակություն ունեն: Հայաստանը ղեկավարությունը 1995 թ. մարտի 16-ին Մոսկվայում Ռուսաստանի ռազմական պայմանագիր ստորագրեց՝ Հայաստանում 25 տարի ժամկետով ռուսաստանյան ռազմակայան ստեղծելու մասին, որի ժամկետն ավտոմատ երկարաձգվելու էր ևս 5 տարով՝ կողմերի համաձայնության դեպքում: 2010 թ. օգոստոսին ՌԴ նախագահ Դմիտրի Մեդվեդևը, Հայաստան այցելելուց հետո նոր համաձայնագիր ստորագրեց, համաձայն որի, ռուսական զորքերը մնալու էին Գյումրիում տեղակայված ռազմաբազայում ընդհուպ մինչև 2044 թ.: Պայմանագրի գործողության ժամկետը 25 տարի էր, իսկ արձանագրությունն այն դարձրեց 49 տարի: Բացի այդ, արձանագրության համաձայն, ընդլայնվում էր ռազմակայանի աշխարհագրական և ռազմավարական պատասխանատվության ոլորտը: Եթե մինչ այդ ռազմակայանի գործառույթները սահմանափակվում էին նախկին ԽՍՀՄ-ի արտաքին սահմաններով, ապա արձանագրության ստորագրումից հետո այդ սահմանափակումը համաձայնագրի տեքստից հանվեց:
Գրականության ցանկ
1. Бабилунга Н., Бомешко Б., «Приднестровский конфликт», Тирасполь, 1998.
2. Ляшук Ю., «Бухарестский саммит НАТО и трансформация алянса», Журнал международного права и международных отношении, № 2, 2008.
3. Пивоваров Е., «Российско-азербайджанские отношения. Конец XX – начало XXI века», Моксва, 2012.
4. РИА Новости, «Армения не обращалась в ОДКБ во время обострения конфликта в Карабахе» − https://ria.ru/world/20160426/1420368752.html (26. 04. 2018)
5. РИА Новости, «Вывод российских войск из Грузии завершен досрочно. ИНФОграфика» – https://ria.ru/20071115/88228468.html (15. 11. 2007)
6. РИА Новости, «ОДКБ отказалась вступаться за Карабах в случае войны» — https://lenta.ru/news/2018/03/06/odkb/ (10. 10. 2018)
7. Հայաստանի Հանրապետության Ազգային Անվտանգության Ռազմավարություն − http://www.mfa.am/u_files/file/doctrine/Doctrinearm.pdf
8. ՀՀ Ռազմական դոկտրին − http://vahagnakanch.files.wordpress.com/2011/04/hh-doctrine.pdf