Հատված
Ինչով են տարբերվում «սահմանադրական վերահսկողություն» և «սահմանադրական մշտադիտարկում» հասկացությունները: Կարծում ենք, որ սահմանադրական վերահսկողության համակարգը, որի հիմնական օղակներից է դատական սահմանադրական վերահսկողությունը, միայն համակարգային ու անընդհատ գործողության որոշակի մակարդակում կարող է դիտվել որպես սահմանադրական մշտադիտարկման ամբողջական համակարգ: Իր էությամբ վերահսկողությունը ներկայումս իրականացվում է օբյեկտի՝ Սահմանադրության հետ դիսկրետ համադրման եղանակով, իսկ մշտադիտարկումը ենթադրում է հասարակության մեջ սահմանադրականության անընդհատ ու համակարգված բացահայտում: Այս համակարգը, իր հերթին, պահանջում է իշխանության ինստիտուտների սահմանադրական փոխհարաբերությունների էական վերանայում՝ սահմանելով համակարգային ու անընդհատ գործող սահմանադրական մշտադիտարկման գործողության կառուցակարգային ու գործառութային հիմունքները: Առաջարկվող դոկտրինայում, առաջին հերթին, այս համակարգում շեշտադրումը կատարվում է պետության գլխի դերակատարության վրա: Նախագահը հանդիսանում է Սահմանադրության գերակայության ապահովման քաղաքական երաշխավորը: Դրա համար անհրաժեշտ է, մասնավորապես, իրական սահմանադրաիրավական բովանդակություն հաղորդել այնպիսի սահմանադրական դրույթների, ինչպիսիք են. «Նախագահը հետևում է Սահմանադրության պահպանմանը»(տես՝ Ֆրանսիա (հոդվ. 5), Լեհաստան (հոդվ. 126, կետ 2), «Նախագահը հանդիսանում է Սահմանադրության երաշխավորը» (տես՝
Ռուսաստանի Դաշնություն, հոդվ. 80, մաս 2), «Նախագահն ապահովում է …ժողովրդավարական ինստիտուտների նորմալ գործողությունը…» (Պորտուգալիա, հոդվ. 120), «…Նախագահն ապահովում է պետական մարմինների նորմալ գործունեությունը» (Սլովակիա, հոդվ. 101, մաս 1) և այլն:
Գրականության ցանկ
1. Հայաստանի Հանրապետության սահմանադրություն, ընդունվել է 1995թ.-ի հուլիսի 5-ին, վերջին փոփոխությունները կատարվել են 2015թ.-ի դեկտեմբերի 6-ին
2. Հարությունյան Գ., Սահմանադրական վերահսկողություն, համեմատական վերլուծություն, Երևան, 1997:
3. ՀՀ Սահմանադրության մեկնաբանություններ, խմբ. Գ. Հարությունյան, Երևան, 2010:
4. Арутюнян Г.Г. Конституционализм: уроки, вызовы, гарантии. – Киев, 2011:
5. Бондарь Н. С., Судебный конституционализм: доктрина и практика, М.: Норма; ИНФРА-М. 2015:
6. Баренбойм П. А., 3000 лет доктрины разделения властей. Суд Сьютера. — М., 2003:
7. Дик Ховард А.Е. Конституционализм // Верховенство права: Сборник: пер. с англ. — М.: Прогресс-Универс, 1992: