Հատված
Վիլյամ Սարոյանը ծնվել է 1908 թվականին Արևմտյան Հայաստանի Բիթլիս (Բաղեշ) քաղաքից Ֆրեզնո գաղթած հայի ընտանիքում: 4 տարեկանում զրկվել է հորից, որոշ ժամանակ ապրել է մանկատանը: Այնուհետև մայրը որդուն վերցրել է մանկատնից ու կրթության տվել: Ընտանիքի հոգսն ստիպել է պատանուն թողնել դպրոցը և փողոցներում լրագիր վաճառել, ապա նա դարձել է հեռագրատան ցրիչ: Աշխատանքը, սակայն, նրան չի խանգարել զբաղվելու ընթերցանությամբ, նաև ստեղծագործել է. գրել է փոքրիկ պատմվածքներ: Բոստոնի «Հայրենիք» շաբաթաթերթում 1933 թ. տպագրվել է նրա առաջին պատմվածքըՍիրակ Գորյան ստորագրությամբ: Սարոյանի պատմվածքների անդրանիկ ժողովածուն՝ «Խիզախ պատանին թռչող ճոճաձողի վրա...», լույս է տեսել 1934 թվականին և միանգամից ճանաչում բերել երիտասարդ գրողին: Վիլյամ Սարոյանը գրել է ավելի քան հազար հինգ հարյուր պատմվածքներ, տասներկու պիես և մոտավորապես տասը վեպ: Սարոյանի լավագույն ստեղծագործություններից է «Մարդկային կատակերգութուն» (1942) վեպը, մասամբ՝ ինքնակենսագրականը: Հայտնի են նաև «Վեսլի Ջեկսոնի արկածները» (1946), «Մայրիկ ես քեզ սիրում եմ» և այլն: 1940 թվականին տպագրվում է «Իմ անունը Արամ է» պատմվածքների հավաքածուն, 1944 թվականին՝ «Սիրելի փոքրիկը»: Գրական ասպարեզ իջնելով անցյալ դարի 30-ական թվականներին Վիլյամ Սարոյանը նոր և յուրօրինակ մոտեցում դրսևորեց իր ժամանակի ամերիկյան իրականությունն ու առհասարակ մարդու ներաշխարհը բացահայտելու գործում:
Գրականության ցանկ
1. «Ազգ», N13(56), 5 հուլիսի, 2008, էջ Ա:
2. Սարոյան Վ., Բան ունեմ ասելու, Երևան, 2012:
3. Սարոյան Վ., Ընտիր երկեր չորս հատորով, հ. 1, Երևան, 1986:
4. Սարոյան Վ., Պատմվածքներ, հարցազրույցներ, էսսեներ, հուշեր, Երևան, 1999:
5. Balakian A., Armenian Americans: From Being to Feeling Armenian. New Brunswick, NJ: Transaction, 1993.
6. Foster E., William Saroyan, A study of the Short Fiction, 1991.
7. Lee Lawrence & Gifford Barry, Saroyan, Harper & Row, New York, 1984.
8. New York Times, Monday, October 31, 1983.
9. Rasco B., Saroyan on the Flying Trapeze, New York Herald Tribune Books, 1934, October 21.
10. Saroyan W., Eight plays, Yerevan, 1987.