Հատված
Արցախյան հիմնահարցը առանցքային նշանակություն ունի արդի հայոց պետության զարգացման համար։ Այս չլուծված խնդիրը անմիջական ազդեցություն է ունենում ոչ միայն Հայաստանի ու Ադրբեջանի վրա, այլ նաև Հարավային Կովկասի ողջ տարածաշրջանի ու միջազգային դիվանագիտության վրա՝ հնարավորություն տալով բազմաթիվ միջազգային խաղացողների՝ ինչ-ինչ կերպ շահարկել այս հարցը, երբեմն կողմերի վրա ճնշում գործադրել։ Իսկ տնտեսական առումով Արցախյան կոնֆլիկտի առկայությունն հանդիսանում է տարածաշրջանում զարգացման կարևոր խոչընդոտ, սահմանների փակ լինելը, թշնամական տրամադրությունները երկու հարևան երկրների մեջ հնարավորություն չեն տալիս տարածաշրջանին՝ կայուն զարգանալ: Այս առումով հակամարտության լուծումը չափազանց կարևոր նշանակություն ունի և տարածաշրջանային պետությունների, և միջազգային խոշոր խաղացողների համար: Այս է վկայում Արցախյան հիմնահարցի լուծման անմիջական կողմերից բացի մի շարք գերտերությունների ու տարածաշրջանային խաղացողների գործուն մասնակցությունը բանակցային գործընթացներին և այլն։