Հատված
Լսողության խանգարումով երեխաների խոսքի ձևավորման խնդիրները, իրենց ամբողջական և բազմակողմանի պատասխանները ստացան Ի. Մ. Սոլովևի, Ֆ. Ֆ. Ռայի, Ժ. Ի. Շիֆի, Ս. Ա. Զիկովի, Տ. Վ. Ռոզանովայի, Ն. Գ. Մոռոզովայի, Ռ. Մ. Բոսկիսի և ուրիշների աշխատանքներում: Լսողության խանգարումով երեխայի խոսքի զարգացման առանձնահատկությունները և յուրահատկությունները ճիշտ հասկանալու համար, պետք է լավ իմանալ որոշ ընդհանուր հոգեբանական կանոններ նորմալ զարգացող երեխայի խոսքի զարգացման և կազմավորման մասին: Ծնվելուց հետո երեխան հայտնվում է որոշակի սոցիալական միջավայրում, որտեղ խոսում են հիմնականում այս կամ այն ազգային լեզվով: Իր պահանջմունքները բավարարելու համար նա պետք է կարողանա հաղորդակցվել շրջապատողների հետ, ինչ որ կերպ նրանց հասկացնել, թե ինչի կարիք Է զգում: Կյանքի առաջին ամիսներին շրջապատողների հետ երեխայի հաղորդակցությունը ունի ոչ խոսքային բնույթ` դիմախաղ, մարմնախոսություն, զանազան ձայներ և այլն, որի միջոցները նրան տրված են ի ծնե, թեև զարգանում են նաև ծնվելուց հետո:
Գրականության ցանկ
1. Դաշյան Ա. Վ. Խուլ երեխաների երկլեզու ուսուցումը որպես նոր ուղղություն / Գիտական աշխատանքների ժողովածու – 1- ին հատոր: — Երևան, Մանկավարժ, 2002, էջ 336-338
2. Մանուկյան Ա. Վ. Լսողության խանգարում ունեցող երեխաների հետ տարվող սուրդոմանկավարժական աշխատանքները, Եր., 2008, 112 էջ
3. Մանուկյան Ա. Վ. Լսողության խանգարում ունեցող ն / դ տարիքի երեխաների բանավոր խոսքի զարգացումը խաղային գործընթացում — Եր., 2012, 356 էջ
4. Խոսքի զարգացում / Ծրագիր — ձեռնարկ լսողության խանգարում ունեցող 1-4 դասարանների համար — Եր., 2007 թ.
5. Андреева Л. В. Сурдопедагогика. М., 2005. С.308-359.
6. Богданова Т. Г. Сурдопсихология, М., 2002, С.110-200.