Կրթության բովանդակության նկարագրությունը

Հատված

Կրթությունը բոլոր ժամանակներում եղել է մարդկային քաղաքականության կարևոր գործոնը՝ առաջանալով որպես սոցիալական պրակտիկայի ոլորտ` հասարակության կողմից կուտակած փորձի, բնության, հասարակության, մարդու մասին գիտելիքների և ունակությունների պահպանման և փոխանցման համար: Կրթությունը միշտ համապատասխանել է հասարակական ֆորմացիայի որոշակի տեսակի և ծառայել դրան: Կրթությունը ներկայացնում է մարդու և հասարակության հոգևոր կյանքի յուրահատուկ ոլորտը: Այն զարգացնում է մարդու ինտելեկտը, ձևավորում է միասնական արժեքներ, զարգացնում է վեհ զգացմունքները, հոգու վեհանձնությունը, սեփական ներաշխարհն ու շրջակա միջավայրը բարելավելու և ազնվացնելու ձգտումը: Կրթությունը համարվում է մշակույթի բաղկացուցիչ մասը, նպաստում է նրա առաջընթացին: Հասարակության ընդհանուր մշակույթն իր հերթին ազդեցություն է ունենում կրթության տեսական կոնցեպտուալ հիմքերի զարգացման վրա, մասնագետների պրոֆեսիոնալ պատրաստման ժամանակին համապատասխան տեխնոլոգիաների և մեթոդների մշակման վրա: XX դարը դարձել է կրթության դարաշրջան, որը հասարակական կյանքի բոլոր ոլորտներում տեսանելի պտուղներ է տվել: