Հատված
Մարդն իր պատմությունը սկսել է շրջապատող աշխարհից իրեն որպես առանձնացված էակի գիտակցումից: Չնայած դրան՝ անձը չի կորցնում սերտ կապը բնության և սոցիալական աշխարհի հետ. իրեն գիտակցելով առանձին էակ` մարդը միաժամանակ զգում է իրեն շրջապատող աշխարհի մաս: Հոգեբանության ու մանկավարժության ժամանակակից ուղղություններում անձի զարգացումը դիտվում է ինքնիրացման, հարմարման, իրավահավասարության, լիարժեքության հասկացությունների համատեքստում: Իհարկե, մարդն առանց սոցիալական միջավայրի գոյության բարդ ձևեր չէր կարող ձեռք բերել, բայց նույն սոցիալական միջավայրը այսօր հանդիսանում է անհատի զարգացումը ախտահարող առաջնային գործոններից մեկը: Այն միտքը, որ անձի մոտ որևէ զգայարանի մասնակի կամ ամբողջական կորուստը սահմանափակում է նրա ֆիզիկական և մտավոր ակտիվությունն ու դրսևորման հնարավորությունները, անհրաժեշտ է նորից քննարկել, քանի որ նրանց հետ առօրյա կյանքում շփումը այլ բան է ցույց տալիս: Մարդիկ ձեռք են բերում սահմանափակ կարողություն միայն իրենց ընտանիքի և հարազատների կողմից նրանց ակտիվությունը արհեստականորեն սահմանափակելու և ոչ ադեկվատ վերաբերմունքի հետևանքով: Հասարակության մեջ շրջանառվող թյուր կարծիք կա, թե իբր ֆիզիկական խնդրով անձը կոչված է իր վրա կրել «հաշմանդամության պիտակը» և բավարարվել որոշ կենսաբանական պահանջմունքների բավարարմամբ, միչնդեռ նրանք կարող են լինել հասարակության ակտիվ անդամներ և իրենց ներդրումն ունենալ տարբեր ոլորտների գործունեության մեջ:
Գրականության ցանկ
- «Կրթության առանձնահատուկ պայմանների կարիքի գնահատում և մանկավարժահոգեբանական աջակցության տրամադրում», մեթոդական ձեռնարկ մանկավարժների համար, Երևան, 2015:
- Երեխաների իրավունքների կոնվենցիա, http://www.ohchr.org/en/professionalinterest/pages/crc.aspx
- Կրթությունը բոլորի համար, համաշխարհային հռչակագիր, http://www.ncpcr.gov.in/Reports/UNESCO_World_Declaration_on_Education_for_All%201990.pdf
- Հայաստանի Հանրապետու¬թյան օրենքը կրթության առանձնահատուկ պայմանների կարիք ունեցող անձանց կրթության մասին, http://edu.am/index.php?id=97&topMenu=-1&menu1=85&menu2=89&arch=0#g3 :
- Հաշմանդամություն ունեցող անձանց հետ աշխատելու ձեռնարկ, Երևան, 2013:
- Հարությունյան Ն., Ղազարյան Ա., Ղուկասյան Լ., Սոցիալական մանկավարժություն, Երևան, 2017:
- Միքայելյան Մ., Դպրոցական մոտիվացիայի մակարդակը և հարմարման դժվարությունները տարրական դպրոցում, «Արդիականության մարտահրավերները. փիլիսոփայական և հոգեբանական հիմնախնդիրներ» միջազգային գիտաժողովի նյութեր, Երևան, 2014:
- Մկրտչյան Ա., Մտավոր խանգարումներ ունեցող սովորողների բնագիտության դասավանդման գործընթացի կազմակերպման մանկավարժական մոտեցումները, «Հատուկ կրթություն գիտամեթոդական տեղեկատու», Երևան, 2009: