Հատված
Կապիտալի միջազգային շուկան գոյություն ունի անհիշելի ժամանակներից, սակայն առանձնահատուկ բուռն զարգացում այն ստացել է այն ԱԱԸ հայտնվելու կապակցությամբ, որոնց գործունեության ոլորտը չի սահմանափակվում որևէ մեկ երկրով: Սեփական արտադրանքով միջազգային ասպարեզ դուրս գալը, ինչպես նաև արտադրության գործոնների արժեքի տարբերություններն անհրաժեշտաբար ենթադրում են ինչպես օտարերկրյա արժույթի տարրական փոխառություն, այնպես էլ ֆինանսավորման արտասահմանյան աղբյուրների ներգրավում, ինչն իրականացվում է միջազգային ֆինանսական շուկաներում: Առաջին ԱԱԸ հայտնվել են ավելի քան 50 տարի առաջ, երբ միջազգային տնտեսական գործունեության կազմակերպման համար անհրաժեշտ էր երկրից երկիր տեղափոխել արտադրության միջոցները, աշխատուժը, նյութական և ֆինանսական ռեսուրսները: Կապիտալի միջազգային շուկայի հայտնվելով, դրա կարիքը գրեթե վերացավ: Անդրազգային և խոշոր ազգային կորպորացիաները կարող են ստանալ անհրաժեշտ ռեսուրսները միջազգային արժութավարկային կազմակերպությունների, խոշոր բանկերի, ֆոնդային բորսաների օգնությամբ, որոնց գործունեության արդյունավետությունը չափազանց բարձր է: