Ջոն Քեյնսի տնտեսագիտական հայացքները

Հատված

Ջ. Մ. Քեյնսի «Զբաղվածության, տոկոսի և փողի ընդհանուր տեսություն» աշխատության հրապարակումից հետո սկսվում է ձևավորվել տնտեսագիտական մտքի այն ուղղությունը, ինչն անվանվում է քեյնսյանականություն՝ իր տարբեր դրսևորումներով: Տնտեսագետների մի մասը ելակետ ուներ «էֆեկտիվ պահանջարկը», այն ենթարկելով որոշակի մոդիֆիկացիայի, նրա մեջ մտցնելով նոր տարրեր: Ինչպես, օրինակ, աքսելերատորի (արագացուցչի) կոնցեպցիան: Վերջինս ցույց է տալիս ինվեստիցիաների աճի կախվածությունը եկամտի աճից: Եկամտի ամեն մի աճ իր հետ բերում է տոկոսային հարաբերությամբ ինվեստիցիաների ավելի մեծ աճ: Կամ, այլ կերպ ասած, սպառողական ապրանքների նկատմամբ պահանջարկի աճը առաջ է բերում ինվեստիցիաների արագացված աճ: