Ձկան և ձկնամթերքի փորձաքննություն

Հատված

Ձկները՝ որպես լիարժեք սննդամթերք, չափազանց կարևոր նշանակություն ունեն մարդու համար: Ձկան միսը համարվում է ամենաարժեքավոր կենդանական ծագում ունեցող սննդամթերքներից մեկը: Նրանցով կերակրում են նաև գյուղատնտեսական մի շարք կենդանիների ու թռչունների: Մեր հանրապետությունում, չլինելով խոշոր ջրամբարներ, ձկնաբուծությունը սկզբում զարգացրել է Սևանա լճում և այլ բնական փոքր ջրամբարներում ու գետերում: Իսկ վերջին տարիներին ձկնաբուծությունը մեծ զարգացում ապրեց նաև տարբեր մարզերի արհեստական ջրամբարներում ստեղծված ձկնատնտեսություններում: