Հատված
Զարգացած տնտեսություն ունեցող երկրների ֆինանսական համակարգերի պատմությունը վկայում է, որ ֆինանսական միջնորդությունը խորանում է փուլ առ փուլ, ընդ որում՝ յուրաքանչյուր փուլ աչքի է ընկնում ֆինանսական համակարգի այս կամ այն գործառույթի և ինստիտուտի գերիշխման հետ կապված առանձնահատկություններով։ Առաջին փուլը կապված է ֆինանսական համակարգի դրամական գործառույթների առաջնահերթության հետ։ Դրանք հիմնականում հետևյալն են. վճարահաշվային հարաբերությունների զարգացումը, բնակչության միջոցների՝ որպես բանկային դեպոզիտներ ներգրավումը, կարճաժամկետ (ամենից հաճախ՝ առևտրային-կոմերցիոն գործառնությունների) վարկավորումը։ Առաջին փուլում ֆինանսական համակարգը, որպես կանոն, ներկայացված է բանկային և այլ վարկային կազմակերպություններով։ Երկրորդ փուլում ենթադրվում է ֆինանսական համակարգի դրամական գործառույթի համահարթում և կուտակման գործառույթի ակտիվ զարգացում։ Այս վերջինը նշանակում է ֆինանսական ինստիտուտների խոշորացում, ռեսուրսների բաշխում և վերաբաշխում, այդ թվում և մանր սեփականատերերի ներգրավում, ապահովագրության և կենսաթոշակային ապահովման երաշխավորված պարտավորությունների համակարգի ստեղծում, ինչպես նաև շուկան ստույգ տեղեկատվությամբ ապահովելու պայմանների ստեղծում։ Երկրորդ փուլում որպես հիմնական ինստիտուտներ հանդես են գալիս բանկերը, վարկային այլ կազմակերպություններ, ապահովագրական ընկերությունները, ներդրումային և կենսաթոշակային ֆոնդերը։
Գրականության ցանկ
1. «Ներդրումային հիմնադրամների մասին» ՀՀ օրենք, 22. 12. 2010
2. Կուտակային կենսաթոշակների մասին, ՀՀ օրենք, 22. 12. 2010
3. ՀՀ օրենքը «Կուտակային կենսաթոշակների մասին» ՀՀ օրենքում փոփոխություն կատարելու մասին /ընդունված 21. 06. 2014/
4. Ասատրյան Ա. Ա. Կենսաթոշակային հիմնադրամների և դրանց կառավարիչների աուդիտի հիմնախնդիրները ՀՀ-ում//Ֆինանսներ և էկոնոմիկա. Երևան, 2013. № 1(151). – էջ 44-46:
5. «Ֆինանսներ, դրամաշրջանառություն և վարկ» Լ. Հ. Բադանյան և ուրիշներ, Երևան, «ՄՈԱ» ՍՊԸ, 2010,
6. «Ֆինանսական կայունության, գործարար ակտիվության և իրացվելիության գնահատման ցուցանիշներն ու դրանց հաշվարկման մեթոդիկան» Աշոտ Բայադյան, Երևան 2001
7. Գ. Ջրբաշյան, Ա. Ջրբաշյան, Կենսաթոշակային համակարգերի ապագան ևրամիությունում AEPLAC, Հայաստանի զարգացումները Q3/05 (#8), Երևան,
8. Հ. Բ. Ղուշչյան, Գ. Ա. Ավագյան Մակրոտնտեսական կարգավորում ուսումնական ձեռնարկ, Երևան 2008թ. :,
9. Բատիկյան Խաչատուր ՀՀ տնտեսության մրցունակության բարձրացման ֆինանսական հիմնախնդիրներ /սեղմագիր/, Ե. 2009
10. …