Հատված
Վարկային ռիսկերի կառավարման բաժիններն իրականացնում են գործարքների ռիսկերի վերլուծությունը, ռեյթինգավորում վարկերի ռիսկերը և հաստատում գործարքները՝ կիրառելով ռիսկերի գնահատման և ռեյթինգավորման հատուկ ներքին մեթոդաբանություններ: Վարկային ռիսկի կառավարման նպատակն է պորտֆելի վերահսկումը, որակի մոնիթորինգը, ինչպես նաև վարկային ռիսկի կառավարման մեխանիզմների մշակումը և կիրառումը՝ սթրեսթեստերի, վաղ ահազանգման և ռիսկի հիմնական ցուցանիշների ու պարամետրերի, ոլորտային վերլուծության և մոնիթորինգի հիման վրա: Բանկի մոնիթորինգի համակարգի հիմքում է ռիսկերի բացահայտումը, որը թույլ է տալիս ժամանակին արձագանքել շուկայական պայմանների փոփոխություններին, բացահայտել վարկային պորտֆելի թույլ կողմերը և նախանշել լուծումներ՝ հիմնավորված որոշումներ կայացնելու համար: Մոնիթորինգի են ենթարկվում առանձին վարկերը, ընդհանուր պորտֆելի կատարողականը, ինչպես նաև արտաքին միտումները, որոնք կարող են ազդել պորտֆելի ռիսկայնության մակարդակի վրա: Վաղ ահազանգման ազդակները կարևոր դեր են խաղում վարկերի որակի վատթարացումը վաղ փուլում հայտնաբերելու և ռիսկի ազդեցությունը զսպող քայլեր ձեռնարկելու համար: Վարկային պորտֆելի մոնիթորինգի ընթացքում կիրառվում է վիճակագրական վերլուծություն: Վարկային պորտֆելի մոնիթորինգը և ընտրանքային վերլուծությունն իրականացվում են վարկային ռիսկի կառավարման թիմի կողմից պարբերաբար: Կորպորատիվ վարկային ռիսկի կառավարման բաժինը պատասխանատու է այցելությունների միջոցով առևտրային վարկերի մոնիթորինգի համար: Այս գործընթացը թույլ է տալիս վաղ փուլում արագ բացահայտել ռիսկային վարկերը և համապատասխան քայլեր ձեռնարկել:
Գրականության ցանկ
1. «Բանկերի նկատմամբ հեռակա վերահսկողության իրականացման ձեռնարկ», հավելված 1
2. «ՀՀ տարածքում գործող բանկերի ցուցանիշների ամփոփ գնահատականի (ՔԱՄԵԼՍ) հաշվարկման, հաստատման և հրապարակման կարգը», ՀՀ ԿԲ խորհրդի 2007թ. մայիսի 29-ի թիվ 157-Ն որոշում:
3. ՀՀ ԿԲ խորհուրդ, Որոշում N116, ՀՀ տարածքում գործող բանկերի շուկայական ռիսկի մասին, Երևան, 1999թ.
4. ՀՀ Քաղաքացիական օրենսգիրք, գլուխ 5-րդ, Երևան, 1988, հոդվածներ 50, 51
5. Անդրեսայան Ն., Ֆինանսական ռիսկերի դասակարգումը առևտրային բանկերում, //ՀՀ տնտեսության զարգացման հիմնախնդիրները 25-ամյա անկախության շեմին, Հյուսիսային համալսարան, միջբուհական գիտաժողովի նյութեր, Երևան, 2015 թ.
6. Բադանյան Լ. «Բանկային գործի հիմունքներ», Երևան, 2003թ.
7. …