Հատված
Ներդրումները կարևոր դեր են խաղում ցանկացած երկրի տնտեսության զարգացման, երկրի պաշտպանության ամրապնդման, սոցիալական խնդիրների լուծման գործում: Ըստ էության, դրանք որոշում են ամբողջ երկրի, առանձին տնտեսավարող սուբյեկտների ապագան:
Ինվեստիցիոն ծրագրերի իրականացումը թույլ է տալիս կատարելագործել արտադրությունը, բարձրացնել վաճառքի հանված ապրանքների որակը, ավելացնել աշխատատեղերի քանակը, բարձրացնել բնակչության զբաղվածության մակարդակը և, վերջին հաշվով, նպաստում է ազգաբնակչության կենսամակարդակի բարձրացմանը:
Հենց դրա համար էլ Հայաստանի Հանրապետության տնտեսության զարգացման արդի փուլում կարևորագույն հիմնախնդիրներից մեկը երկրում ինվեստիցիոն գործընթացի աշխուժացումն է, որի լուծումը կարևոր նախապայման է տնտեսության կայունության և հետագա տնտեսական աճի ապահովման համար:
Հաշվի առնելով տնտեսական բարեփոխումների ներկա փուլում հանրապետությունում ներքին խնայողությունների սահմանափակ հնարավորությունները և մասնավոր ներդրողների անընդունակությունը՝ լրիվ փոխհատուցելու տնտեսական անկման հաղթահարման համար չբավականացնող կապիտալ ներդրումները, առավել ևս կարևորվում է իրական ինվեստիցիաների (կապիտալ ներդրումների) արդյունավետության գնահատման և ինվեստիցիոն վճիռն ընդունելու հարցը:
Այդպիսի գնահատման ճշտությունից և արժանահավատությունից են կախված ներդրված միջոցների հետ ստացման ժամկետները և ձեռնարկության զարգացման հեռանկարները:
Ներդրումային նպատակաուղղված ռազմավարության մշակումն ու արդյունավետ իրականացումը, ներդրումային և գործարար բարենպաստ միջավայրի ձևավորումը, ապահովումը այսօր կարելի է համարել արդյունաբերական ձեռնարկության ընդհանուր տնտեսական քաղաքականության կարևոր ուղղություններից:
Ցանկացած ձեռնարկության տնտեսական, սոցիալական ու գիտատեխնիկական զարգացումը էապես պայմանավորված է ներդրումային գործունեությունից, այն ապահովում է տնտեսավարող սուբյեկտների ֆինանսական կայունությունը, շահութաբերության մակարդակի բարձրացումը, արտադրվող արտադրանքի մրցունակության ապահովումը:
Գրականության ցանկ
1. «Օտարերկրյա ներդրումների մասինե ՀՀ օրենք,
2. «Հայաստանի Հանրապետության ներդրումային քաղաքականության» հայեցակարգ
3. «Ազատ տնտեսական գոտիների մասին» ՀՀ օրենք,
4. «Հայաստանի ֆինանսական համակարգը, զարգացումը, կարգավորումը և վերահսկողությունը», ՀՀ ԿԲ, 2011,
5. Գրիգորյան Ռ․ Լ․, «Ռիսկի կառավարում», Ուսումնական ձեռնարկ, Երևան, ԵՃՇՊՀ հրատ., 2010,
6. Մանուկյան Ռ. Մ. «Ներդրումային շուկա», Եր., Տնտեսագետ, 2008թ․
7. Արշակյան Ա. Հ., «Ներդրումները և ներդրումային ռիսկը, դրանց գնահատման և կանխատեսման հիմնահարցերը» Երևան: Զանգակ-97, 2009թ․