Զենքի, ռազմամթերքի, պայթուցիկ նյութերի, պայթուցիք սարքերի ապօրինի շրջանառությունը

Հատված

Զենքի, զինամթերքի, պայթույցիկ նյութերի, պայթույցիկ սարքերի ապօրինի շրջանառությունը հասարակության և պետության համար մեծ վտանգ է ներկայացնում և զենքի ապօրինի շրջանառության աճը լրացուցիչ պահանջներ է ներկայացնում իրավապահ մարմինների աշխատանքների որակի նկատմամբ, որոնք պարտավոր են հակազդել այս հանցագործության երևույթին: Միևնուն ժամանակ զենքի գործադրմամբ կատարված հանցագործությունների քանակական աճը վկայում են այս ոլորտում համապարփակ ուսումնասիրությունների անհրաժեշտության մասին, որը կարող է նպաստել դրանց լուծման ուղիների և այդ գործողություններին հակազդելու միջոցների ընտրության մասին: Հասարակական կյանքում տեղ գտնող ճգնաժամային փոփոխությունները, ինչպես նաև գլոբալիզացման գործընթացում ՀՀ առավել ու առավել ներգրավվածությունը հանգեցնում են հանցավորության որակական բացասական փոփոխությունների. նկատվում է զենքի գործարդմամբ իրականացվող հանցագործությունների ակտիվացում, ավելի ցածր տարիքային խմբերի կողմից զենքի շրջանառության մասնակցություն: Հասարակության անդամների իրավական և սոցիալական պաշտպանությունը, անվտանգության ապահովումը, զենքի և ռազմամթերքի ապօրինի շրջանառության դեմ պայքարը յուրաքանչյուր պետության առաջնային, սակայն լուծման առումով բարդություն ներկայացնող խնդիրներից է: Հանցավորության առկայությունը, ինքնին, պայմանավորված է սոցիալ-տնտեսական, իրավական, մշակութային, քաղաքական, կազմակերպական, գաղափարախոսական գործոններով, ինչն էլ խիստ դժվարացնում է դրա նկատմամբ արդյունավետ վերահսկողության սահմանումը: