Հատված
Հայաստանի կարևորագույն խնդիրներից մեկը տարածքների համաչափ զարգացումն է։ Այդ քաղաքականության իրականացման նշանակալի ուղղությունները կառավարման համակարգերի ու իշխանության ապակենտրոնացումն ու ապահամակենտրոնացումն են:
Այս և ընդհանրապես տարածքային արդյունավետ կառավարման և պետության համաչափ զարգացման համար անհրաժեշտ քայլերի՝ մարզպետարանների գործունեության արդյունավետության բարձրացման, ՏԻՄ-կառավարման տարածքային մարմինների միջև համագործակցության հիմքերի սերտացման, համաչափ զարգացում ապահովելու համար համայնքների խոշորացման, լիազորությունների պատվիրակման, կառավարման ապակենտրոնացման էության և դրա հիմունքների ուսումնասիրումը կարևորագույն խնդիր է Հայաստանի համար, քանի որ 3 տասնամյակից պակաս տարիների փորձ ունեցող պետական կառավարման համակարգը դեռ գտնվում է որոնումների մեջ՝ հանրային կառավարման արդյունավետության բարձրացման տեսանկյունից՝ ուսումնասիրելով առաջատար պետությունների փորձը և դրա մեր երկրում ներդնելու հնարավորությունները:
Թեման, ելնելով իր արդիականությունից, հատկապես վերջին տասնամյակի ընթացքում գտնվում է աշխարհի տարբեր հետազոտողների ուշադրության կենտրոնում, որոնք ուսումնասիրում են տարբեր երկրների փորձը և դրա համատեղման և համադրման արդյունքում փորձում գտնել տարածքային կառավարման լավագույն տարբերակները՝ հանրային կառավարման համակարգում ժողովրդավարական միտումների համահունչ:
Գրականության ցանկ
1. Ալեքսանյան Մ, Տարածքային կառավարումը Հայաստանի Հանրապետությունում, Երևան Միվա-Պրես, 2000թ.
2. Բարեփոխումների ճանապարհին. ՀՀ տեղական ինքնակառավարման համակարգը քաղաքացիների աչքերով «ՀաՄաՏեղ» ծրագրի շրջանակներում իրականացված հանրային կարծիքի հետազոտության արդյունքներ, Հետազոտական ռեսուրսների կովկասյան կենտրոն-Հայաստան, Երևան, 11 դեկտեմբերի 2015
3. Թումանյան Դ., Գիմիշյան Ս., Ամյան Կ., Թումանյան Լ., Հայաստանի Հանրապետության վարչատարածքային բաժանման օպտիմանացումը և տեղական ինքնակառավարման զարգացումը, Երևան, 2003, 38 էջ,
4. Թումանյան Դ., Մասնակցային ժողովրդավարությունը տեղական մակարդակում. ինչու և ինչպես մասնակցել տեղական ինքնակառավարմանը: Ձեռնարկ/ Համայնքների ֆինանսիստների միավորում: Նոյյան Տապան, 2011-172 էջ
5. Հայաստանի Հանրապետության տեղական ինքնակառավարման հետագա զարգացման և իշխանության ապակենտրոնացման ռազմավարական մոտեցումներ Երևան, 2012
6. ՀՀ-ում պետական կառավարման և տեղական ինքնակառավարման բարեփոխումների գերակայությունները արդի փուլում / Յու. Մ. Սուվարյան և ուրիշներ. — Եր.: Տնտեսագետ, 2015.- 138 էջ.- («Ամբերդ» մատենաշար)
7. Հարությունյան Ա, Ապակենտրոնացման հասկացությունը և իրավական դիտարկումները, Ապակենտրոնացման հիմնախնդիրները Հայաստանի Հանրապետությունում, Պետական ծառայու¬թյուն, Երևան, 2001թ.